Mádenı shara jospary boıynsha joǵaryda aıtylǵan jerde qazaq kóshpendileriniń qystaǵy oryn teppek. Uıymdastyrýshylardyń málim etkenindeı, qonaqtar sol kezdegi tehnologııa boıynsha jún tazalap, toqyma toqyp, shıtti jáne saman kirpishter quıý múmkindikterine ıe bolady.
Ǵalymdar Jańǵyz tóbe jáne Jumaq dóńderiniń mańyndaǵy jerler (qazir ol Samarqan sý qoımasyndaǵy aral men túbek) arǵyn rýynan shyqqan Tátiǵuldyń Orazbek, Nııazbek jáne Turlybeginiń qystaýlary bolǵan degen derek keltiredi. Al aqsaqaldar bul jerlerde jurt kem degende HIH ǵasyrdyń 20-jyldarynan beri qystap kelgen deıdi.
Murajaı mamandary qystaqty qurý barysynda kópjyldyq ǵylymı-zertteýlerdi negizge alǵan. Mysaly, munda ishki jabdyqtary bar, tóbesi shymmen jabylǵan úı, malǵa arnalǵan qora-qopsy ornalasady. Sondaı-aq toqyma toqıtyn stanok pen jún tazartýǵa arnalǵan qurylǵylar, as ázirleıtin alań: ot ústindegi qazan jáne samaýryn qoıatyn turmystyq oryn bolmaq.
Qystaqtyń turmystyq aýmaǵy sol kezeńnen derek bolyp qalǵan sýretterdi negizge ala otyra qurylǵan. Jabdyqtyń basym bóligi Temirtaý tarıhı-ólketaný murajaıynan alynbaqshy.
Atalǵan festıvalǵa Qaraǵandy, Temirtaý, Abaı, Saran jáne Shahtınsk qalalarynan júzden astam belsendi jas qatysatyn bolady. Olarǵa arnalyp semınar men trenıngter, ınteraktıvti oıyndar men túrli vıktorınalar uıymdastyrylady.
«Jaýyrtaýdaǵy kezdesý» festıvali Temirtaýdyń 73 jyldyǵyna oraı ótkizilmek.
Qaırat ÁBILDA,
«Egemen Qazaqstan»
QARAǴANDY
