Qazaqstan Respýblıkasy Úkimetiniń qaýlysy №1353

2011 jylǵy 18 qarasha, Astana, Úkimet Úıi Memlekettik kásiporynnyń basshysyn  taǵaıyndaý jáne attestattaý, sondaı-aq onyń kandıdatýrasyn kelisý qaǵıdalaryn bekitý týraly «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 139-babynyń 3-tarmaǵyna sáıkes Qazaqstan Respýblıkasynyń Ykimeti qaýly etedi: 1. Qosa berilip otyrǵan Memlekettik kásiporynnyń basshysyn taǵaıyndaý jáne attestattaý, sondaı-aq onyń kandıdatýrasyn kelisý qaǵıdalary bekitilsin. 2. Osy qaýlyǵa qosymshaǵa sáıkes Qazaqstan Respýblıkasy Úkimetiniń keıbir sheshimderiniń kúshi joıyldy dep tanylsyn. 3. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri   K. MÁSIMOV. Qazaqstan Respýblıkasy Úkimetiniń  2011 jylǵy 18 qarashadaǵy №1353 qaýlysymen bekitilgen Memlekettik kásiporynnyń basshysyn taǵaıyndaý jáne attestattaý, sondaı-aq onyń kandıdatýrasyn kelisý qaǵıdalary 1. Jalpy erejeler 1. Osy Qaǵıdalar «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańyna sáıkes ázirlendi jáne Qazaqstan Respýblıkasynyń Prezıdenti qyzmetke taǵaıyndaıtyn jáne qyzmetten bosatatyn jekelegen memlekettik bilim berý kásiporyndarynyń birinshi basshylaryn qospaǵanda, memlekettik kásiporynnyń (budan ári – kásiporyn) basshysyn konkýrstyq irikteý, taǵaıyndaý jáne attestattaý tártibin reglamentteıdi. 2. Kásiporynnyń basshysyn konkýrstyq irikteýdi, taǵaıyndaýdy jáne attestattaýdy, onyń kandıdatýrasyn kelisýdi tıisti salanyń ýákiletti organdary (jergilikti atqarýshy organdar) júrgizedi. 3. Memlekettik kásiporyn basshysynyń kandıdatýrasyn kelisý baıqaý keńesi bar sharýashylyq júrgizý quqyǵyndaǵy memlekettik kásiporyndarda júzege asyrylady. 2. Memlekettik kásiporynnyń basshysyn taǵaıyndaý tártibi 4. Kásiporyn basshysynyń qyzmetine kandıdatýralardy irikteý kezinde qoıylatyn negizgi talaptar mynalar bolyp tabylady: 1) qajetti beıini boıynsha joǵary biliminiń jáne tıisti salanyń ýákiletti organy (jergilikti atqarýshy organ) bekitken biliktilik talaptaryna sáıkes keletin kásibı daıarlyq deńgeıiniń bolýy; 2) mamandyǵy boıynsha ekonomıka salasy kásipornynyń beıinine sáıkes basshy laýazymdarda keminde 5 jyl jumys ótiliniń bolýy. 5. Konkýrsqa mynadaı tulǵa qatysa almaıdy: 1) on segiz jasqa tolmaǵan; 2) buryn sybaılas jemqorlyq quqyq buzýshylyq jasaǵan; 3) Qazaqstan Respýblıkasynyń zańnamasynda belgilengen tártippen ótelmegen nemese alynbaǵan sottylyǵy bar; 4) Qazaqstan Respýblıkasynyń zańnamasynda kózdelgen basqa da jaǵdaılar. 6. Tıisti salanyń ýákiletti organy (jergilikti atqarýshy organ): 1) konkýrsty ótkizý týraly sheshim qabyldaıdy; 2) konkýrsty ótkizý shartyn, kúni men ornyn anyqtaıdy; 3) konkýrstyq komıssııany (budan ári – Komıssııa) qalyptastyrady, tıisti salanyń ýákiletti organy ókilderiniń arasynan Komıssııa tóraǵasyn jáne Komıssııa hatshysyn taǵaıyndaıdy. 7. Komıssııa músheleriniń sany taq sandy, keminde bes adamdy quraıdy. 8. Komıssııa mynadaı fýnksııalardy júzege asyrady: 1) konkýrstyq qujattamany daıyndaıdy; 2) tıisti kásiporynnyń qarajaty esebinen konkýrs ótkizý týraly habarlandyrý jarııalaýdy qamtamasyz etedi; 3) konkýrsqa qatysý úshin usynylǵan qujattardy qabyldaýdy, tirkeýdi jáne saqtaýdy júrgizedi; 4) konkýrstyń qorytyndylary boıynsha tıisti salanyń ýákiletti organyna (jergilikti atqarýshy organǵa) sheshimdi engizedi. 9. Respýblıkalyq, oblystyq jáne aýdandyq kásiporyn basshysynyń qyzmetin atqarýǵa konkýrs ótkizý týraly habarlandyrý resmı respýblıkalyq buqaralyq aqparat quraldarynda, sondaı-aq ýákiletti organnyń (jergilikti atqarýshy organnyń) ınternet-saıtynda memlekettik jáne orys tilderinde konkýrs ótkiziletin kúnge deıin kúntizbelik on bes kún buryn jarııalanady. 10. Konkýrs ótkizý týraly habarlandyrý mynadaı málimetterdi qamtýy tıis: 1) konkýrs ótkiziletin kúni men orny; 2) ornalasqan ornyn, poshtalyq meken-jaıyn, telefonyn kórsete otyryp, kásiporynnyń ataýy, onyń negizgi qyzmetiniń qysqasha sıpattamasy; 3) konkýrsqa qatysýshylarǵa qoıylatyn talaptar; 4) konkýrsqa qatysý týraly ótinishterdi berý merzimi; 5) buqaralyq aqparat quraldarynda konkýrs ótkizý týraly habarlandyrý ornalastyrylǵan kúnnen bastap aıqyndalatyn konkýrsqa qatysýǵa nıet bildirgen tulǵalardan qujattar qabyldaý bastalǵan kún. Konkýrsqa qatysýǵa nıet bildirgen tulǵalardyń qujattaryn qabyldaý buqaralyq aqparat quraldarynda konkýrs ótkizý týraly habarlandyrý jarııalanǵan kúnnen bastap kúntizbelik on bes kún ótkennen keıin aıaqtalady. 11. Konkýrsqa qatysýǵa nıet bildirgen tulǵa konkýrs ótkizý týraly habarlandyrýda kórsetilgen merzimde Komıssııaǵa mynadaı qujattardy usynady: 1) konkýrsqa qatysý týraly ótinish; 2) memlekettik jáne orys tilderinde túıindeme; 3) erkin nysanda jazylǵan ómirbaıan; 4) bilimi týraly qujattardyń kóshirmeleri; 5) eńbek kitapshasynyń (ol bolǵan kezde) nemese eńbek shartynyń kóshirmesi ne sońǵy jumys orny­nan jumysqa qabyldanǵany jáne eńbek shartynyń toqtatylǵany týraly buıryqtardyń kóshirmeleri; 6) densaýlyǵy týraly belgilengen nysandaǵy anyqtama. Konkýrsqa qatysýshy óziniń bilimine, jumys stajyna, kásibı daıarlyq deńgeıine qatysty qosymsha aqparatty (biliktiligin arttyrý, ǵylymı dárejeler men ataqtar berý, ǵylymı jarııalanymdar, burynǵy jumys ornynyń basshylyǵynan usynymdar týraly qujattardyń kóshirmeleri jáne t.s.) berýine bolady. 12. Osy Qaǵıdalardyń 11-tarmaǵynda kórsetilgen barlyq qujattar bolǵan, sondaı-aq tulǵa osy Qaǵıdalardyń talaptaryna sáıkes kelgen kezde Komıssııa qujattar qabyldaý aıaqtalǵan kúnnen bastap bes jumys kúni ishinde qujattar tapsyrǵan tulǵany konkýrsqa qatysýǵa jiberý týraly sheshim qabyldaıdy. Konkýrsqa qatysýǵa jiberilgen tulǵalardyń tizimi Komıssııa hattamasymen bekitiledi. 13. Konkýrsqa qatysýǵa jiberilgen tulǵalardyń tizimi bekitilgennen keıin Komıssııa konkýrsqa qatysýshylar usynǵan qujattardy zerdeleıdi jáne kúntizbelik on kún ishinde konkýrsqa qatysýshylarmen áńgimelesý ótkizedi. 14. Komıssııa konkýrsqa qatysýshylarmen áńgimelesý ótkizý kezinde memlekettik kásiporyn qyzmeti salasyndaǵy qatynastardy retteıtin Qazaqstan Respýblıkasynyń normatıvtik quqyqtyq aktilerin bilýin tekseredi. Sondaı-aq tıisti salanyń ýákiletti organy (jergilikti atqarýshy organ) bekitken tıisti kásiporyn basshysynyń biliktilik talaptary men laýazymdyq nusqaýlyǵynyń negizinde konkýrsqa qatysýshylardyń kásibı bilimi anyqtalady. 15. Komıssııanyń sheshimi Komıssııa músheleriniń jalpy sanynyń qarapaıym kópshilik ashyq daýys berýimen qabyldanady. Daýystar teń bolǵan kezde Komıssııa tóraǵasynyń daýysy sheshýshi bolyp tabylady. Komıssııa otyrysy Komıssııa músheleriniń jalpy sanynyń úshten ekisi qatysqan kezde zańdy bolyp sanalady. Komıssııa músheleriniń erekshe pikirge quqyǵy bar, ol bildirilgen jaǵdaıda jazbasha túrde mazmundalyp jáne Komıssııa hattamasyna qosa tirkeletin. Talqylaý barysy jáne Komıssııa qabyldaǵan sheshim Komıssııanyń barlyq músheleri men Komıssııa hatshysy qol qoıatyn hattama túrinde resimdeledi. Komıssııa otyrysynyń hattamasyn resimdeýdi Komıssııa hatshysy júzege asyrady. 16. Eger konkýrsqa qatysýǵa osy Qaǵıdalarda belgilengen talaptarǵa sáıkes keletin eki úmitkerden kem konkýrstyq ótinim usynylsa nemese konkýrstyq ótinimder túspese nemese qaıta­rylyp alynsa, sondaı-aq konkýrs nátıjesinde Komıssııa kandıdattardy anyqtamasa, konkýrstyq komıssııa konkýrsty ótpedi dep tanıdy jáne qaıta konkýrs ótkizý týraly sheshim qabyldaıdy. 17. Komıssııa otyrysyn ótkizý kezinde beıne nemese aýdıo jazý júzege asyrylady. 2.1 Sharýashylyq júrgizý quqyǵyndaǵy memlekettik kásiporyn basshysynyń kandıdatýrasyn kelisý 18. Baıqaý keńesi bar sharýashylyq júrgizý quqyǵyndaǵy memlekettik kásiporyndarda tıisti salanyń ýákiletti organy (jergilikti atqarýshy organ) Komıssııa sheshimderiniń negizinde memlekettik kásiporynnyń basshysyn taǵaıyndaý máselesi jóninde usynysty baıqaý keńesine kelisýge engizedi. 19. Sharýashylyq júrgizý quqyǵyndaǵy memlekettik kásiporynnyń baıqaý keńesi tıisti salanyń ýákiletti organy (jergilikti atqarýshy organ) memlekettik kásiporyn basshysynyń kandıdatýrasyn engizgen kúnnen bastap on jumys kúni ishinde usynylǵan kandıdatýrany kelisedi. 20. Baıqaý keńesi usynylǵan kandıdatýra boıynsha teris sheshim qabyldaǵan jaǵdaıda tıisti salanyń ýákiletti organy (jergilikti atqarýshy organ) kásiporyn basshysyn tańdaý boıynsha qaıta konkýrs ótkizedi. Baıqaý keńesi tıisti salanyń ýákiletti organy (jergilikti atqarýshy organ) usynǵan memlekettik kásiporyn basshysynyń kandıdatýrasyn kóp degende eki ret kelispeýge quqyly. 2.2 Basshyny qyzmetke taǵaıyndaý 21. Komıssııanyń oń sheshimin alǵan konkýrsqa qatysýshymen jáne osy Qaǵıdalardyń 2.1-kishi bóliminde kózdelgen sharýashylyq júrgizý quqyǵyndaǵy memlekettik kásiporynnyń baıqaý keńesiniń kelisýi qajet bolǵan jaǵdaılarda tıisti salanyń ýákiletti organynyń (jergilikti atqarýshy organnyń) basshysy eńbek shartyn (budan ári – Shart) jasasady jáne kásiporynnyń basshysy tanysýy tıis qyzmetke taǵaıyndaý týraly buıryq shyǵarady. Sonymen bir mezgilde Komıssııanyń oń sheshimin alǵan konkýrsqa qatysýshy jáne osy Qaǵıdalardyń 2.1-kishi bóliminde kózdelgen sharýashylyq júrgizý quqyǵyndaǵy memlekettik kásiporynnyń baıqaý keńesiniń kelisýi qajet bolǵan jaǵdaılarda «Sybaılas jemqorlyqqa qarsy kúres týraly» Qazaqstan Respýblıkasynyń 1998 jylǵy 2 shildedegi Zańyna sáıkes: 1) tıisti salanyń ýákiletti organynyń (jergilikti atqarýshy organnyń) kadr qyzmetine óziniń mártebesin jáne oǵan negizdelgen bedelin jeke, toptyq jáne qyzmettik emes múddelerge paıdalanýǵa ákelýi múmkin is-qımyldarǵa jol bermeý maqsatynda shekteýlerdi qabyldaýǵa jazbasha kelisimin; 2) turǵylyqty jeri boıynsha salyq organyna: tabysy týraly deklarasııany; kórsetilgen múliktiń baǵalaý quny men ornalasqan jerin kórsete otyryp, salyq salý obektisi bolyp tabylatyn, onyń ishinde Qazaqstan Respýblıkasynyń aýmaǵynan tys jerlerdegi múlki týraly deklarasııany; mynalar: bank mekemesin kórsete otyryp, bank mekemelerindegi salymdar týraly jáne baǵaly qaǵazdar týra­ly, onyń ishinde Qazaqstan Respýblıkasynyń aýmaǵynan tys jerlerdegi baǵaly qaǵazdar týraly, sondaı-aq osy tulǵalar jeke nemese basqa tulǵalarmen birlesip ıelik etýge quqyly qarjy qarajaty týraly; jarǵylyq kapıtaldaǵy qatysý úlesin jáne kórsetilgen uıymdardyń tolyq banktik jáne ózge de derektemelerin kórsete otyryp, aksıoner nemese zańdy tulǵalardyń quryltaıshysy (qatysýshysy) retinde óziniń tikeleı nemese deldaldyq qatysýy týraly; eger tulǵa nemese onyń zaıyby (jubaıy) osy trasttardyń benefısıary bolsa, tıisti banktik shottardyń nómirlerin kórsete otyryp, trasttar men olar tirkelgen memleketter; tulǵaǵa nemese zaıybyna (jubaıyna) tıesili, aılyq eseptik kórsetkishtiń bir myń eselengen mólsherinen asatyn mólsherdegi materıaldyq nemese qarjylyq qarajatty ustaý nemese ýaqytsha saqtaý jónindegi tulǵamen sharttyq qatynastary, kelisimderi men mindettemeleri (onyń ishinde aýyzsha) bar basqa uıymdardyń ataýlary men derektemeleri týraly málimetterdi berýi qajet. 22. Shart taraptardyń kelisimimen anyqtalatyn keminde bir jyl merzimge jasalady. Qoldanylý merzimi aıaqtalǵannan keıin Shart taraptardyń kelisimi boıynsha uzartylýy nemese jańa merzimge jasalýy múmkin. Shartta synaq merzimi belgilenedi. Synaq merzimi aıaqtalǵannan keıin kásiporyn basshysynyń atqaryp otyrǵan laýazymǵa sáıkessizdigi anyqtalǵan jaǵdaıda, Shartty tıisti salanyń ýákiletti organy (jergilikti atqarýshy organ) Qazaqstan Respýblıkasynyń eńbek zańnamasynyń talaptaryna sáıkes buza alady. 23. Memlekettik kásiporynnyń basshysymen eńbek qatynastary Qazaqstan Respýblıkasynyń Eńbek kodeksine sáıkes: respýblıkalyq memlekettik kásiporyn – tıisti salanyń ýákiletti organymen; kommýnaldyq memlekettik kásiporyn – jergilikti atqarýshy organmen eńbek shartyn jasasýy arqyly resimdeledi. Eńbek shartynda Qazaqstan Respýblıkasynyń Eńbek kodeksinde belgilengen talaptardan basqa, memlekettik kásiporyn basshysynyń: taza tabystyń belgilengen bir bóliginiń bıýdjetke ýaqtyly aýdarylýy; qarjy-sharýashylyq qyzmetiniń qanaǵattanarlyqsyz nátıjeleri; memlekettik múlikti paıdalaný kezindegi zańsyz áreketteri; memlekettik múliktiń tizilimine aqparattyń ýaqtyly jáne sapaly berilýi; sybaılas jemqorlyqqa qarsy áreket etýge baǵyttalǵan sharalar qabyldamaǵany úshin jaýapkershiligi aıqyndalady. 24. Shart Qazaqstan Respýblıkasynyń eńbek zańnamasyna sáıkes buzylýy múmkin. 25. Baıqaý keńesi bar sharýashylyq júrgizý quqyǵyndaǵy memlekettik kásiporyndarda tıisti salanyń ýákiletti organy (jergilikti atqarýshy organ) kásiporyn basshysymen shartty buzý máselesin aldyn ala baıqaý keńesterimen kelisedi. 3. Attestattaý júrgizý tártibi 26. Attestattaý kezinde baǵalaýdyń negizgi ólshemi kásiporyn basshysynyń ózine júktelgen mindetterdi oryndaý qabileti bolyp tabylady. 27. Kásiporynnyń basshysy kásiporyn basshysy qyzmetinde bolǵan árbir kelesi úsh jyl ótkennen keıin attestattaýdan ótedi. Bul rette attestattaý kórsetilgen merzim bastalǵan kúnnen bastap alty aıdan keshiktirilmeı ótkiziledi. 28. Tıisti salanyń ýákiletti organynyń (jergilikti atqarýshy organnyń) basshysy attestattaý ótkizý merzimderi jáne attestattaý komıssııasynyń quramy, sondaı-aq onyń jumys kestesi bekitiletin buıryq shyǵarady. Attestattaý komıssııasynyń quramyna tıisti salanyń ýákiletti organynyń (jergilikti atqarýshy organnyń) qurylymdyq bólimsheleriniń, kadr jáne zań qyzmetteriniń basshylary engiziledi. Komıssııa músheleriniń sany taq sandy, keminde bes adamdy quraıdy. Attestattaý komıssııasy músheleriniń arasynan tóraǵa, hatshy taǵaıyndalady. 29. Tıisti salanyń ýákiletti organynyń (jergilikti atqarýshy organnyń) kadr qyzmeti kásiporynnyń attestattalatyn basshysyn attestattaý ótkizý kúnine deıin bir aıdan keshiktirmeı ony ótkizý merzimi týraly jazbasha habardar etedi. 30. Kásiporynnyń attestattalatyn basshysyna kadr qyzmeti tıisti salanyń ýákiletti organynyń (jergilikti atqarýshy organnyń) qurylymdyq bólimshelerimen birlesip, kásiporyn basshysynyń kásibı, jeke basynyń qasıetteri negizdelgen baǵalaýyn, qyzmetiniń nátıjelerin qamtıtyn qyzmettik minezdeme resimdeıdi. 31. Kadr qyzmeti kásiporynnyń attestattalatyn basshysyn attestattaý komıssııasynyń otyrysyna deıin kúntizbelik jıyrma kúnnen keshiktirilmeıtin merzimde oǵan berilgen qyzmettik minezdememen tanystyrýǵa mindetti. 32. Kásiporynnyń attestattalatyn basshysyna tıisti salanyń ýákiletti organynyń (jergilikti atqarýshy organnyń) kadr qyzmeti attestattaý komıssııasynyń bekitilgen sheshimi engiziletin attestattaý paraǵyn resimdeıdi. 33. Kadr qyzmeti attestattaý komıssııasyna attestattaý materıaldaryn jiberedi. 34. Attestattaý áńgimelesý nysanynda júrgiziledi. Attestattaý komıssııasynyń otyrysy, eger oǵan onyń quramynyń keminde úshten ekisi qatysqan kezde, zańdy dep sanalady. Daýys berý nátıjeleri komıssııa músheleriniń kópshilik daýysymen anyqtalady. Daýystar teń bolǵan kezde, komıssııa tóraǵasynyń daýysy sheshýshi bolyp tabylady. Attestattaý komıssııasynyń sheshimi onyń otyrysyna qatysqan attestattaý komıssııasynyń músheleri jáne hatshysy qol qoıatyn hattamamen resimdeledi. Attestattaý komıssııasynyń músheleriniń erekshe pikirge quqyǵy bar, ol bildirilgen jaǵdaıda jazbasha túrde mazmundalyp jáne Komıssııa hattamasyna qosa tirkeledi. 35. Komıssııa otyrysyna dáleldi sebeptermen qatyspaǵan kásiporynnyń attestattalatyn basshysy attestattaýdan jumysqa shyqqannan keıin ótedi. Komıssııanyń otyrysyna attestattalatyn basshy dálelsiz sebeptermen kelmegen jaǵdaıda, attestattaý komıssııasy minezdemeniń negizinde onyń qatysýynsyz attestattaýdy ótkizý týraly sheshim qabyldaýǵa quqyly. 36. Attestattaý komıssııasy usynylǵan materıaldardy zerdelegennen jáne attestattalatyn basshymen áńgimelesýden keıin mynadaı sheshimderdiń birin qabyldaıdy: 1) atqaratyn qyzmetine sáıkes keledi; 2) qaıta attestattaýǵa jatady; 3) atqaratyn qyzmetine sáıkes kelmeıdi. 37. Komıssııa otyrysyn ótkizý kezinde beıne nemese aýdıo jazý júzege asyrylady. 38. Attestattaý komıssııasynyń atqaratyn qyzmetke sáıkes kelmeýi týraly sheshim qabyldaýy attestattaýdyń teris nátıjesi bolyp tabylady. 39. Attestattaý komıssııasynyń sheshimi ashyq nemese qupııa daýys berýmen qabyldanady. Daýys berý tásili attestattaý komıssııasynyń qalaýy boıynsha tańdap alynady. 40. Qaıta attestattaý osy Qaǵıdalarda aıqyndalǵan tártippen bastapqy attestattaý ótkizilgen sátten bastap alty aıdan keıin ótkiziledi. Attestattaý komıssııasy qaıta attestattaýdy ótkize otyryp, mynadaı sheshimderdiń birin qabyldaıdy: 1) atqaratyn qyzmetine sáıkes keledi; 2) atqaratyn qyzmetine sáıkes kelmeıdi. 41. Kásiporynnyń attestattalatyn basshysy attestattaý komıssııasynyń sheshimimen tanysady. 42. Attestattaý komıssııasynyń sheshimderin bir aı merzimde tıisti salanyń ýákiletti organynyń (jergilikti atqarýshy organnyń) basshysy bekitedi. 43. Tıisti salanyń ýákiletti organynyń (jergilikti atqarýshy organynyń) basshysy bekitken attestattaýdyń teris nátıjeleri kásiporyn basshysymen eńbek qatynastaryn toqtatý úshin negizdeme bolyp tabylady. 4. Qorytyndy erejeler 44. Kásiporyn basshysy qyzmetiniń bos ornyna ornalasýǵa konkýrs ótkizý, ony taǵaıyndaý jáne attestattaý kezinde týyndaıtyn daýlar Qazaqstan Respýblıkasynyń zańnamasynda belgilengen tártippen qaralady. Qazaqstan Respýblıkasy Úkimetiniń 2011 jylǵy 13 qarashadaǵy №1353 qaýlysyna qosymsha Qazaqstan Respýblıkasy Úkimetiniń  kúshi joıylǵan keıbir sheshimderiniń tizbesi 1. «Memlekettik kásiporyndardyń basshylaryn taǵaıyndaý jáne attestattaý erejesin bekitý týraly» Qazaqstan Respýblıkasy Úkimetiniń 2003 jylǵy 10 shildedegi № 685 qaýlysy (Qazaqstan Respýblıkasynyń PÚAJ-y, 2003 j., № 29, 287-qujat); 2. «Qazaqstan Respýblıkasy Ykimetiniń 2003 jylǵy 10 shildedegi № 685 qaýlysyna tolyqtyrý engizý týraly» Qazaqstan Respýblıkasy Úkimetiniń 2006 jylǵy 19 qyrkúıektegi № 881 qaýlysy (Qazaqstan Respýblıkasynyń PÚAJ-y, 2003 j., № 29, 379-qujat); 3. «Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly» Qazaqstan Respýblıkasy Úkimetiniń 2007 jylǵy 30 sáýirdegi № 352 qaýlysymen bekitilgen Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlardyń 13-tarmaǵy (Qazaqstan Respýblıkasynyń PÚAJ-y, 2007 j., № 13, 157-qujat); 4. «Qazaqstan Respýblıkasy Úkimetiniń 2003 jylǵy 10 shildedegi № 685 qaýlysyna ózgerister engizý týraly» Qazaqstan Respýblıkasy Úkimetiniń 2009 jylǵy 23 maýsymdaǵy № 976 qaýlysy (Qazaqstan Respýblıkasynyń PÚAJ-y, 2009 j., № 31, 287-qujat).