Mıssııa jetekshisimen pikir almasty

Burnaǵy kúni Ortalyq saılaý komıssııasynyń tóraǵasy Qýandyq Tur­ǵan­qulov Qazaqstan Respýblıkasy Parlamenti Májilisiniń kezekten tys saılaýyn baıqaý jónindegi EQYU/DIAQB mıssııasynyń bas­shysy Mıklosha Harastımen jáne mıssııa basshysynyń orynbasary Klaýdııa Vollmermen kezdesti. Komıssııa tóraǵasy Qýan­dyq Tur­ǵan­qulov EQYU/DIAQB mıssııasynyń ókilderin saılaý naýqanynyń bary­sy­men tanystyryp ótti jáne bul rette saıası partııalar men más­lıhattar de­pý­tattyǵyna kandıdattardyń saılaýaldy úgiti kezeńine engizilgen tó­tenshe jaǵ­daıǵa baılanysty Jańa­ózen qalasynda saılaýaldy úgitti uıymdastyrýdyń keı­bir erekshelikterine, Jarlyqpen belgilengen shekteýlerdi eskere oty­ryp, kandıdattar men saılaý­shy­lar­dyń quqyqtaryn qamta­masyz etý úshin qabyldanyp otyrǵan sharalarǵa erekshe toqtaldy. «Saıası partııalardyń saılaý al­dyn­daǵy úgiti zań aıasynda ótip otyr. Mo­nıtorıng nátıjeleri boıynsha, ótken kezeńde zańmen kózdelgen tepe-teńdik saqtalǵan. Jańaózen qal­asynda partııalar men máslıhattar depýtat­tyǵyna kandıdattardyń saı­laýaldy kópshilik sharalaryn ótki­zýde belgili bir shekteýler bolady. Más­lıhattar depýtat­ty­ǵyna kandıdattar úshin bul shekteý­lerdiń orny olarǵa bıýdjetten bólingen qara­jatty BAQ-tarda qo­sym­sha úgit ma­terıaldaryn jarııalaýǵa jáne baspa ónimderin shyǵarý úshin qaıta bólýge ruqsat ete otyryp, tol­tyratyn bola­myz», dep atap ótti Ortsaılaýkom basshysy. Ári qaraı taraptar saılaý naý­qa­nynyń ártúrli qyrlary boıynsha, sonyń ishinde daýys berý kúni azamattar men qoǵamdyq birles­tik­terdiń sot­qa shaǵym jasaý jáne olardy qaraý tár­tibine, saıası partııalar men más­lıhattar depýtat­tyǵyna kandıdat­tar­dyń saılaýaldy úgitin qar­jy­landyrý máselesine qatysty pikir almasty. Kezdesý sońynda taraptar dástúrli qalyp­tasqan áriptestik pen tyǵyz ynty­maq­tastyq qarym-qa­tynastar 2012 jylǵy Qazaqstan Respýblıkasy Parlamenti Májilisi depýtattarynyń saılaýynda da jalǵasyn tabatynyna senimdilik bildirdi. Álısultan QULANBAI.