«Nur Otandy» qoldaýǵa daıyn

«Nur Otan» halyqtyq-demokratııa­lyq partııasy respýblıkalyq saı­laý­al­dy shtaby músheleri úgit jumystaryn Qa­raǵandy oblysynda jalǵastyryp, iri kásiporyn ókilderimen kezdesti. Kezdesý barysynda partııanyń saılaýaldy tu­ǵyr­namasynyń basym baǵyttary talqy­lan­dy. «Nur Otan» partııasy Elbasy par­tııasy retinde, eń aldymen, ekono­mı­kany modernızasııalaý tapsyrmasyn jú­zege asyrýdy kózdeıdi. Bul partııa­nyń qazaqstandyqtardyń ál-aýqatyn kóterý maqsatyna jetýge de jol ashady. «Arselor Mıttal Temirtaý» metal­lýrg­terine sózin arnaǵan partııa Tór­aǵa­synyń birinshi orynbasary, «Nur Otan» HDP Respýblıkalyq saılaýaldy shta­by­nyń jetekshisi Nurlan Nyǵmatýlın: «Nur Otan» úshin daýys bere otyryp, sizder turaqtylyq pen beıbit ómir úshin, bereke-birlik pen yntymaq úshin, bú­gi­ni­miz jáne bolashaǵymyz úshin daýys beresizder. Biz Tuńǵysh Prezıdentimiz, El­ba­sy Nursultan Nazarbaevtyń arqa­syn­da jetken jetistikterdi jańa Parlamentte, máslıhattarda odan ári jal­ǵas­ty­ratyn bolamyz. Sol úshin 15 qańtar kúni ótetin saılaýda búkil halqymyz ju­dyryqtaı jumylyp, «Nur Otan» partııasyna daýys beredi dep senim bildiremiz», dedi. Qaraǵandylyq metallýrgter ár­qa­shan­da Elbasyn jáne ol basqarǵan par­tııany qoldap kelgendikterin sóz etti. Sebebi, dál osy jerde Prezıdent, «Nur Otan» partııasynyń Kóshbasshysy ózi­niń eńbek jolyn jáne saıası ómirin bas­ta­ǵan bolatyn. Sondyqtan qaraǵan­dy­lyq metallýrgter úshin Elbasynyń bar­lyq bastamalary men ustanǵan baǵyty kóńiline jaqyn. Sondyqtan bolar, kezdesýge kelgen  «Arselor Mıttal Temirtaý» kásiporny jumysshylary «Nur Otan» partııasynyń saılaýaldy tuǵyr­na­masyn biraýyzdan qoldap, 15 qań­tarda bolatyn saılaýda óz daýystaryn berý týraly sheshim qabyldady. Dál osy kúni shtab músheleri Qara­ǵan­dy oblysynyń kómir shahtalarynyń  kásipodaqtary, sonyń ishinde «Qorǵaý» kásipodaǵy jetekshilerimen de kezdesti. Kezdesý barysynda «Nur Otan» par­tııa­sy­nyń qazaqstandyqtardyń zamanaýı mamandyqtardy meńgerip, qaýipsiz ju­mys jaǵdaıymen qamtamasyz etýge, qu­qyq qorǵaýǵa baǵyttalǵan jumysyn odan ári jalǵastyratyny basa aıtyldy. Bul má­se­leler árqashanda partııanyń basty naza­ryn­da jáne kez kelgen ótinish jaýapsyz qalmaıdy.  Aıtalyq, «Nur Otan» partııa­sy­nyń atyna 2006 jylǵy qyrkúıekte Lenın atyndaǵy shahtada kóz jumǵandardyń jubaılarynan óz má­se­lesin qaraý týraly ótinish túsken edi. Máseleniń ózegi – olarǵa mindetti saq­tandyrý jónindegi kelisim-sharttar boı­yn­sha tólenetin ótem­aqy kólemi jumys berýshilerden tikeleı ótemaqy alatyn jumysshylardikinen birshama tómen. «Nur Otannyń» bastama­sy­men «Arselor Mıttal Temirtaý» basshy­ly­ǵymen kelissózder ótkizilip, nátı­je­sinde osy másele oń sheshimin tapty. «Nur Otan» partııasy qazaqstandyq­tar­dy tolǵandyrǵan kez kelgen máseleni jan-jaqty qarap, barlyq jaǵdaıdy eskere otyryp sheshýge tyrysady. Son­dyq­tan bolar, kezdesý qaraǵan­dy­lyq­tar­dyń «Nur Otannyń» maqsat-múd­de­simen tanys ekendikterin jáne par­tııa­ny tolyqqandy qoldaıtyndyqtaryn kórsetti. Olar 15 qańtar kúni saılaýda «Nur Otandy» qoldaýǵa daıyn ekendikterin málim etti. Dastan KENJALIN. Qaraǵandy oblysy.