Úgit-nasıhattaryn údete túsýde

Keshe Jalpyulttyq sosıal-de­mo­kratııalyq partııanyń (JSDP) Máji­lis jáne máslıhattar saılaýy aldyn­daǵy úgit-nasıhat jumystary Qyzyl­jar óńirinde jalǵasty. Quramynda partııa tóraǵasy Jarmahan Tuıaqbaı, tóralqa músheleri, «Halyq Qahar­many» Toqtar Áýbákirov pen belgili saıasatker Baltash Tursymbaev bolǵan top qalalyq mádenıet úıinde jurt­shylyqpen kezdesti. Kezdesýdi JSDP oblystyq fı­lı­alynyń tóraǵasy Vladımır Andrıevskıı ashty. Ol jınalǵandardy depý­tattyqtan úmitkerlermen tanysty­ryp, sózdi qonaqtarǵa berdi. JSDP lıderleri tolyp jatqan sandar men faktilerdi keltire otyryp, elge naqty ózgerister kerek ekendigin aıtty. О́z­deriniń saılaýaldy baǵdarlamasynda osyndaı ózgeristerdiń qalaı jasalýy kerektigi naqty kórsetilgendigi atap ótildi. Iri alpaýyttardyń esepsiz baılyǵyn memleketke qaıtarý, salyq júıesin jetildirý, baǵany ósirmeý, bıýdjetten eńbekaqy alatyndardyń jal­aqysyn, zeınetaqy men túrli áleý­mettik tólemderdi arttyrý máse­leleri qozǵaldy. Partııanyń halyqty baspanamen qamtý, bilim berý men densaýlyq saqtaý salalaryn jetildirý máseleleri boıynsha da naqty jo­balary barlyǵy kóldeneń tartyldy. Sonymen birge, elde demokratııalyq ózgerister jasaý qajettigi aýyzǵa alyndy. Kezdesýde suraq berýshiler kóp boldy. Sonyń ishinde partııa lıder­le­riniń burynǵy atqarǵan qyzmetterine sáıkes suraqtar da boldy. Toqtar Áýbákirovtiń ǵarysh salasyn damytý baǵytyndaǵy oılary da jınalǵan­dar­dyń qyzyǵýshylyǵyn týdyrdy.  Al Baltash Tursymbaev osy jerdiń týma­sy retinde óńirdiń ekonomıkasyn, ha­lyqtyń ál-qýatyn arttyrý baǵytynda óziniń birqatar naqty oılary baryn jetkizdi. Sonymen birge, ol halyqty oppozısııadan úrikpeýge shaqyrdy. Bárimiz de Qazaqstan azamattarymyz, bárimiz de ortaq úıimizdiń tynyshty­ǵyn jáne halqymyzdyń ál-aýqa­tynyń ósip, ómir sapasynyń bıigirek deń­geıge kóterilgenin qalaımyz, dedi ol. Jańaózen oqıǵalary týraly sóz bolǵanda JSDP lıderleri Úkimet pen jergilikti basqarý júıesindegi sheneýnikter tarapynan ketken aǵattyq­tar­ǵa, munaı kompanııalarynyń adam qu­qyn buzýǵa jol bergenderine úlken syndar aıtty. Sondaı-aq, keshe JSDP-nyń alqa músheleri Marjan Aspandııarova, Rys­bek Sársenbaıuly, sondaı-aq Baýyr­jan Qarabekov pen Turarbek Qudaı­ber­genovten quralǵan taǵy bir úgit-nasıhat toby Taldyqorǵan qala­syn­da­ǵy Eko­no­mıka jáne quqyq akademııasynda saılaýshylarmen kezdesti. Bul kezdesýde de saılaýshylar tarapynan belsendilik tanytylyp, kóptegen suraq­tar qoıyldy. JSDP ókilderi ózderi­ńiz­diń ómirlerińizge jańa jol ashqy­laryńyz kelse, 15 qańtardaǵy saılaýdan qalmaı daýys berińizder, dedi. Jaqsybaı SAMRAT.