Jas saılaýshylarmen júzdesti

Qazaqstan Parlamenti Májilisiniń depýtattyǵyna Qazaqstan Kommýnıstik halyqtyq partııasynan úmitker, QKHP Aqtóbe oblystyq komıtetiniń birinshi hatshysy Janat Moldashev pen QKHP-dan Aqtóbe oblystyq máslıhaty depý­tattyǵyna kandıdat Bota Jumaǵulova saz kolledjiniń akt zalynda Aqtóbe qa­lasynyń saılaýshylarymen kezdesti. J.Moldashev Qazaqstan Kommýnıstik halyqtyq partııasynyń saılaýaldy tuǵyrnamasy men baǵdarlamasy tý­ra­ly egjeı-tegjeıli áńgimeledi. Úmitker birinshi kezekte jastarǵa qatysty prob­lemalarǵa toqtaldy. Atap aıt­qan­da, ol tegin jáne sapaly bilim berý, joǵary jáne orta arnaýly oqý oryndaryn bitirgen jastardyń kepildi túrde jumysqa ornalasýy, óskeleń urpaqty gýmanızm men patrıotızm qundylyqtary negizinde tárbıeleý máselelerin qozǵady. – Sender oqý ornyn bitirgennen keıin qaıda jumys isteıtinderińdi bile­sińder me? – dep surady depýtattyqqa kandıdat stýdentterden. – Joq, – dep jaýap berdi jas­tardyń kópshiligi. – Bizdiń Kommýnıstik halyqtyq par­tııa sender bolashaqtan qoryqpaı, kerisinshe, oǵan sený úshin, úmittený úshin áleýmettik kepildikterge qol jetkizýge umtylatyn bolady. Iаǵnı, biz Májiliske ótsek, senderdiń mindetti túrde jumyspen qamtamasyz etilip, mem­lekettik baǵdarlama boıynsha tur­ǵyn úı alýlaryń, ul-qyzdaryńnyń balalar baqshasy men ıaslılerge barý­la­ry, ata-analaryńnyń laıyqty zeınet­aqy­ǵa qol jetkizýleri úshin jumys isteıtin bolamyz, – dedi Janat Áb­diǵalıuly. Turǵyndardyń qazirgi tańda áleý­mettik jaǵdaıyn jaqsartý qajettigi jóninde áńgimeleı kele, Bota Ermek­qyzy bylaı dedi: – Qazaqstan Kommýnıstik halyqtyq partııasynyń ókili retinde men senderdi partııanyń baǵdarlamasy eldiń áleý­mettik ahýalyn túbirimen ózgertýge qabiletti ekenine sendirgim keledi. Qazaqstan Kommýnıstik halyqtyq partııasynyń Aqtóbe oblystyq komıtetindegi saılaýaldy shtabynda Aqtó­be qalasynyń komsomol belsendi-úgit­shi­leri, mýzykanttar men ánshiler paı­dalanatyn úgit poıyzy jumys isteýde. Qazaqstannyń Kommýnıstik halyqtyq partııasynyń nyshan-belgilerimen, pla­kattarymen bezendirilgen úgit poı­y­zy jurtshylyqtyń nazaryn birden ózine aýdarýda. Poıyz qazirdiń ózinde Aqtóbe ob­ly­synyń Qarǵaly aýdanynyń orta­ly­ǵy – Badamsha kentinde, Mártók aýda­ny­nyń 11 saılaý ýchaskesinde bolyp úl­gerdi. Saılaý ýchaskelerindegi adam­darǵa QKHP-nyń baǵdarlamasy men tuǵyrnamasy, plakattar men kúntiz­beler úlestirilip berildi. Budan basqa, aýyldaǵy saılaý­shy­larmen jeke-jeke kezdesýler ótkizilip, olarǵa da halyqshyl kommýnısterdiń saılaýaldy qujattary taratyldy. Jaqyn kúnderi úgit poıyzy ob­lys­tyń Áıteke bı, Hromtaý, Muǵaljar jáne Alǵa aýdandarynda bolady. Jylqybaı JAǴYPARULY.  Aqtóbe oblysy.