Baıqaýshy suraqtaryna naqty jaýap

Qazaqstannyń sosıal-demokra­tııa­lyq «Aýyl» partııasy óziniń saı­laý­aldy jumystaryn óristete tústi. So­nyń ishinde Parlament Májilisi de­pýtattyǵyna kandıdattar elimizdiń óńirlerine shyǵyp, mundaǵy halyq­pen, jergilikti jerdiń basshylyǵymen tikeleı kezdesýler ótkizýde. Máselen, «Aýyl» partııasy atynan Parlament Májilisi depýtattyǵyna kandıdat akademık Kópmaǵambet Elemesov Atyraý, Mańǵystaý oblys­ta­ryn­da bolyp, saılaýshylarmen bir­qa­tar kezdesýler ótkizdi. Onda halyqqa «Aýyl» partııasynyń saılaýaldy tuǵyrnamasynda kózdelgen máseleler túsindirildi. Halyqtyń kókeıinde júr­gen saýaldarǵa jaýaptar berildi. Kópmaǵambet Elemesov osyndaı sapar barysynda Atyraý oblysynda júrgen EQYU-nyń uzaq merzimdi baı­qaýshysy Aleksandr Fon Arkspen kezdesip, oǵan «Aýyl» partııasynyń saılaýaldy tuǵyrnamasy týraly keń kólemdi túsinik berdi. Mundaǵy baı­qaýshylardyń basty mindeti – saıası úgit barysyn, saılaý zańnamasyn jáne onyń is júzinde qoldanylýyn, saılaý kezindegi BAQ jaǵdaıyn, saılaý komıssııalarynyń jáne basqa da memlekettik qurylymdardyń jumy­syn muqııat zertteý. Parlament Má­ji­lisi depýtattyǵyna partııa atynan kandıdat pen baıqaýshy arasyndaǵy bir saǵattan astamǵa sozylǵan ózara únqatysý osy taqyryptar tóńireginde órbidi. Baıqaýshy «Aýyl» partııa­sy­nyń qurylymyn, olardyń múshe­leriniń belsendiligin, «Aýyl» tur­ǵyndarynyń múddelerin qanshalyq­ty qorǵaıtyndyǵyn bilgisi keldi. Osy­lar­dyń barlyǵyna naqty jaýaptar berildi. Suhbat qorytyndysynda baı­qaý­shy akademıkke ózine kóp másele jóninde durys túsinik alýyna kómek­teskeni úshin rızashylyǵyn jetkizdi. Kópmaǵambet Elemesov osy sapar barysynda saılaý naýqanyna jaýapty bolyp tabylatyn oblys ákiminiń orynbasary Asqar Kerımovpen kezdesip, saılaýaldy jumystardyń qan­sha­lyqty ádiletti jaǵdaıda júrip jat­qan­dyǵymen tanysty. Kezdesý bary­synda oblys ákiminiń orynbasary saılaý úderisine ákimshilik tarapynan eshqandaı bir qysymshylyqtyń bol­maı­tynyn, saılaýdyń ádil de ashyq jaǵdaıda ótetindigin, bılik organdary partııalardyń barlyǵyna teń kóz­qa­ras tanytatyndyǵyn aıtyp, osy jáıt­terdiń oryndalatyndyǵyna ýáde berdi. Keshegi kúni dál osyndaı kezdesýler Shyǵys Qazaqstan oblysynyń or­talyǵy – О́skemen qalasynda, Almaty oblysynyń Qarasaı aýdanyndaǵy Almaly kentinde, Jambyl obly­sy­nyń Merke aýdanyndaǵy №18 orta mektepte, Aqtóbe qalasyndaǵy aýyl sharýashylyǵy kolledjinde, Qyzyl­orda qalasyndaǵy Qazaq kúrish sharýa­shylyǵy ǵylymı-zertteý ınstıtý­tyn­da bolyp ótti. Suńǵat ÁLIPBAI.