Budan bylaı azamattar jýrgizýshi kýáligin alýǵa onlaın ótinim jiberý kezinde ekinshi deńgeıli bankte aldyn-ala tólengen chek týraly aqparatty eGov.kz portalyna engize alady.
Ol úshin «elektrondyq úkimet» portaly arqyly kórsetiletin qyzmetke tapsyrys bergen kezde tólem qadamynda «buryn tólendi» degen belgi qoıyp, chek boıynsha myna derekterdi engizý qajet: salyq organy, banktiń BSK, tólem kúni, KBK, TTK jáne tólem somasy. Sodan keıin tabylǵan chekti tańdap jáne ESQ arqyly suraý salýǵa qol qoıý qajet.
Buryn bul qyzmetti onlaın alý kezinde tek ótinimge onlaın ótinim jibergen kezde ǵana tóleý múmkindigi bolǵan edi.
Endi atalǵan qyzmet «elektrondy úkimettiń tólem shlıýzinde» modıfıkasııalandy.
Memlekettik qyzmettiń pasportyna sáıkes, júrgizýshi kúáligin alýǵa jiberilgen ótinim 60 mınýt ishinde óńdeledi.
Atalǵan qyzmettiń qorytyndysy paıdalanýshynyń eGov.kz portalyndaǵy jeke kabınetine habarlama retinde keledi.
Júrgizýshi kýáligin onlaın aýystyrý kórsetiletin qyzmeti aǵymdaǵy jylǵy naýryzda iske asyrylǵan bolatyn. Qyzmetti alý úshin egov.kz ótinimdi toltyrý jáne oǵan ESQ-men qol qoıý kerektigin eske sala keteıik. О́tinimge fotosýret jáne qoltańbanyń skanerlengen beınesin qosa tirkeý kerek. Budan ári jeke kabınetke keletin habarlama men tólengen chekti qaǵazǵa basyp shyǵaryp, daıyn bolǵan júrgizýshi kýáligin alý úshin turǵylyqty jeri boıynsha arnaıy HQKO-da aparý qajet.
