Oblystyq prokýratýranyń baspasóz qyzmeti bergen málimetke súıensek, 2017 jyly munaı jáne munaı ónimderin jymqyrýmen baılanysty, sondaı-aq olardy zańsyz saqtaý, tasymaldaý jáne satýmen baılanysty 35 qylmys tirkelip, onyń 18-si sotqa joldanǵan. Al bıylǵy alty aıda osy sanattaǵy qylmystardyń sany 14 boldy, beseýi sotqa joldandy.
Prokýratýramen júrgizilgen taldaý qylmystyq isterdi tergeý barysynda munaıdyń nemese munaı ónimderiniń shyqqan jerleri anyqtalmaıtynyn kórsetken. Tergeý tek tasymaldaýshylardy anyqtaý deńgeıimen shektelýde. Al shıkizattyń bastapqy jóneltýshisi búrkemelenip, jabýly qazaq jabýly kúıinde qalyp keledi. Osyǵan oraı oblystyq prokýratýra qylmystyq jolmen tabylǵan qarjyny anyqtaýdy jáne kiristi zańdastyrýyna qarsy is-áreket jasaýdy quqyq qorǵaý organdarynyń nazaryna bergen.
Bul týraly Atyraý oblystyq prokýratýrasynda «Munaı jáne munaı ónimderiniń aınalymy salasynda zańdylyqtyń jaǵdaıy, sonyń ishinde osy sanattaǵy qylmystardyń profılaktıkasyna, anyqtalýyna, tergelýine tıimdi sharalardy qabyldaý» taqyrybynda ótken úılestirý Keńesinde aıtyldy. Sharada Bas prokýratýra janyndaǵy quqyq qorǵaý akademııasynyń ókilderi «Munaı jáne munaı ónimderi salasyndaǵy qylmystardy anyqtaý jáne tergeý» ǵylymı-tájirıbelik keshenin tanystyrdy. О́nerkásip salasyndaǵy kólenkeli ekonomıkaǵa qarsy kúrestiń nátıjelerin arttyrýǵa baǵyttalǵan keshen is júzinde tıimdiligin kórsetse ıgi.
Baqytgúl BABASh,
«Egemen Qazaqstan»
ATYRAÝ
