Ǵalymdar bas qosqan jıyndy ashqan ýnıversıtet rektory Takır Balyqbaev negizi 1928 jyly qalanǵan oqý ornynyń qalyptasý tarıhynda sol kezdegi Oqý-aǵartý Halyq Komıssary bolǵan Oraz Jandosov, alash qaıratkerleri Ahmet Baıtursynov, Halel Dosmuhamedov, Sanjar Asfendııarovtan bastap, Báımen Almanov, Shárıfolla Saqaev, Shaıhıslam Bekjanov, Serǵalı Tolybekov, Halel Ádilgereev, Ahmedı Ysqaqov, Asqar Zakarın, Málik Ǵabdýllın, Jumabek Júnisbekov, Quljabaı Qasymov, Toqmuhamed Sadyqov, Serik Pirálıev, t.b. ult qaıratkerler esimderiniń altyn áriptermen jazylǵandyǵyna toqtalyp, el tarıhyndaǵy tulǵalardyń izgi jolyn nasıhattaý jumystary áli de jalǵasyn tabatyndyǵyn atap ótti. Osy baǵytta «О́negeli ómir» serııasymen jaryqqa shyqqan Oraz Jandosov, Sanjar Asfendııarov, Halel Dosmuhamedov, Halel Ádilgereevtiń qaıratkerlik ómir jolyna qatysty ýnıversıtet ǵalymdary daıyndaǵan eńbekke kópshiliktiń nazaryn aýdardy. Osy oraıda basylymǵa qolǵabys etken Álı Orazulyna jáne ál-Farabı atyndaǵy QazUÝ rektory Ǵalymqaıyr Mutanovqa, redaksııa quramyna alǵysyn bildirdi. Al mundaı kitaptardyń jaryq kórýi jastardyń boıynda tulǵalyq qasıetterdiń damýyna yqpal eteri sózsiz. Al tarıhty durys baǵamdaı bilgen urpaq óz baǵytanan adaspaıdy.
Osy basqosý aıasynda tanystyrylymy ótken «Abaı ýnıversıteti. 90 jyldyq tarıhynan» zertteý eńbegin belgili tarıhshy ǵalym, akademık Mámbet Qoıgeldi tarıhı faktiler men qujattarǵa negizdeı otyryp, Qazaqstandaǵy tuńǵysh joǵary oqý ornynyń qandaı qıynshylyqtarmen ashylǵany, qalyptasý kezeńi, ult qaıratkerleriniń osy bilim ordasyn damytýdaǵy eren eńbekteri týraly mazmundy maǵulmattardy usynǵan.
Akademık Toqmuhamed Sadyqov týraly jaryqqa shyqqan «Tálimger portreti. Protret nastavnıka» kitaby jáne ýnıversıtettiń 90 jyldyǵyna arnalǵan «Tuńǵysh ýnıversıtet» foto albomymen qatar ýnıversıtet ǵalymdarynyń «Shernııaz Jarylǵasuly shyǵarmalary», «Altyn arqaý», «Ulttyq rýh jáne shyǵarmashylyq daralyq» zertteý eńbekteri tartymdy málimettermen tolyqtyrylsa, «Ulaǵat» serııasynyń alǵashqy basylymy «Qaldyrǵan izin máńgilik» kitaby ýnıversıtettiń daryndy túlegi Ábdimájıt О́teshulynyń eńbek jolyna arnalypty. Bilim ordasynyń mereıtoıyna oraılastyryp jaryqqa shyqqan kitaptardyń qatarynda ýnıversıtet qyzmetkeri Myrzahan Ahmetovtyń «Parasat pen paryz» tanymdyq kitaby oqyrmandar úshin taǵylymdy mazmunmen tolyqqan. Osy basqosý aıasynda stýdentter uıymdastyrǵan Campus jýrnalynyń da tanystyrylymy ótip, ǵylym jolyndaǵy aldyńǵy býynnyń batasyn aldy.
Mazmuny tereń basylymdardyń tanystyrylymyna qatysqan Serik Qırabaev, Álı Orazuly, Nurlan Orazalın, Hangeldi Ábjanov, Talas Omarbekov, Jarqyn О́teshqyzy, Gúlnar Jandosova, Maıdan Málikqyzy, Baqyt Ádilgereev, Qalı Sársenbaı, Baýyrjan Jaqyp, Jańabek Shaǵataı, Nurtóre Júsip, t.b.bilimniń qara shańyraǵyn mereıli mereıtoıymen quttyqtap, bilimniń izgi jolyndaǵy josparlaryna sát-sapar tiledi.
Elvıra SERIKQYZY,
«Egemen Qazaqstan»
ALMATY
