О́z bolashaǵyna senimdilik kórinisi

Memleket basshysynyń atyna taıaý jáne alys shet el tur­ǵyndarynan onyń Qazaqstannyń halyqaralyq arenadaǵy rólin arttyrýǵa jáne elder arasyndaǵy qarym-qatynastardy nyǵaıtýǵa baǵyttalǵan saıasatyna qoldaý bildirgen hattar kelip túsýde, dep habarlady Qazaqstan Respýblıkasy Prezıdentiniń baspasóz qyzmeti. Atap aıtqanda, Reseı azamaty L.Magomadovtyń hatynda Alma­ty­daǵy uldaryna kelgen árbir sapary, ol úshin ultaralyq kelisim, qazaqstandyqtardyń óz bo­la­shaǵyna senimi negizinde Qazaq­stan­da saltanat qurǵan jasam­pazdyq, beıbitshilik pen kelisim, ishki saıası konsensýs, jaǵymdy sezim men zor súıinish týdyra­tyny aıtylady. Hat ıesi sondaı-aq Qazaq­stan­da turyp jatqan óz balalarynyń bolashaǵyna senimdi. «Nursultan Nazarbaevtyń tá­ji­rıbesi, danalyǵy, adamdarǵa degen súıispenshiligi sııaqty qa­sıetter Qazaqstan Kóshbas­shy­syn beıbitshilik pen kelisimdi qam­tamasyz etetin «Ǵasyr saıa­saty» deńgeıine alyp shyǵady», – dep atap ótken L.Magomadov. «Qazaq halqynyń tózimdiligi, barlyq halyqpen beıbitshilik pen kelisimde ómir súre bilýi jáne osyndaı qasıetti jerde ómir súrip jatqan barlyq etnos úshin Qazaqstandy ortaq úı jasaýǵa ıgi yqpalyn tıgizdi jáne álemge Nursultan Ábishuly Nazarbaev syndy saıasatkerdi berdi», – delingen L.Magomadovtyń hatynda. Avtor Qazaqstan Prezıdentine Qazaqstan-Reseı qatynas­tary­nyń damýyna qoldaý kórsetkeni úshin alǵysyn bildiredi. Ol Nur­sultan Nazarbaev – Keńes Odaǵy taraǵannan keıin Qazaqstan men Reseı halyqtarynyń týystyq qa­tynastaryna bir sát te kúmán keltirmegen birden-bir Kósh­bas­shy ekenin erekshe atap ótedi.