Nazarda – agrarlyq sala

Atalǵan palata komıtetiniń tór­aǵa­sy Jeńis Nurǵalıevtiń tóraǵa­lyǵymen oblys orta­lyǵynda komıtettiń «Jer já­ne jer qoı­naýyn paıdalaný tý­raly» k­odeksti iske asyrý máse­leleri bo­­ıynsha kóshpeli oty­rysy boldy. Komıtet tór­aǵa­sy J.Nurǵalıev Aqtóbe obly­sy jer qoınaýyn paıdalaný boıyn­sha joǵarǵy deńgeıdegi iri aımaq­tardyń biri ekenin aı­ta kelip, komıtet otyrysyn óndi­risti aımaqta ótkizýdiń mańyzyna toq­taldy. 

Aqtóbe oblysynyń ákimi Ber­dibek Sapar­baev paıdaly qaz­balardy óndi­rýshi kompanııa­lardyń Aqtó­be oblysynyń eko­nomıkasy­na qos­qan úlesi týraly senatorlar­dy ha­bar­dar etti. Oblysta osy ko­deksti iske asyrý jáne jer qoı­naýyn paıdalanýshy­lar barlyq keli­sim­shart mindettemelerin oryndaýdy qamtamasyz etý boıynsha belsendi jumys júrgizilip kele­di. Sondaı-aq oblys basshy­sy aımaqtyń áleýmettik-eko­no­mı­kalyq damýynyń kórset­kishteri týraly áńgimeledi. 

Parlament Senatynyń depýtaty Muhtar Jumaǵazıev «Jer qoınaýyn paıdalaný qyz­metin yntalandyrýdyń quqyq­tyq tetikteri» týraly baıanda­ma jasady. Baıandamada jer qoı­naýyn paıdalaný máseleleri jó­nindegi zańnamanyń negizgi máse­leleri qamtyldy. Depýtat 2017 jylǵy 27 jeltoqsandaǵy «Jer jáne jer qoınaýyn paıdala­ný týraly» kodekstiń tujyrym­da­masyna jáne osy másele boıynsha zańnamaǵa engizilgen negizgi quqyqtyq jańalyqtarǵa keńinen toqtaldy. Sondaı-aq kodeksti jáne ilespe zańdy iske asyrý bo­ıynsha aldaǵy qabyldanatyn sha­ralar týraly aıtyldy. 

Energetıka mınıstriniń orynbasary Mahambet Dos­mu­­hambetov, Investısııalar já­ne damý mınıstrliginiń jer qoı­­naýyn paıdalaný departa­men­tiniń dırektory Rýslan Baı­­mıshev taqyryp boıynsha baǵy­nyshty mekemelerdiń qaǵı­da­lary týraly baıandady. 

Parlamentshiler oblys or­ta­lyǵynda aýylsharýashylyq ónim­derin óndirýshilermen de kez­desip, aımaqtyń agrarlyq sa­la­synyń jetistikterimen jan-jaqty tanysty. 

Parlament Senatynyń depýtaty Dúısenǵazy Mýsın kezdesýde baıandama jasap, Prezıdent Nursultan Ábishuly Nazarbaev al­tynshy shaqyrylymdaǵy Par­la­ment­tiń tórtinshi sessııa­sy­nyń ashylýyndaǵy sóıle­gen só­zinde saqtandyrý, agrar­lyq min­det­teme, nesıelik seriktes­tik­terdi damytý, sondaı-aq vete­rı­narııalyq baqylaý júıesin jetildirý máseleleri boıynsha agroónerkásip salasyndaǵy zań­namany odan ári jetildirý min­detin alǵa qoıǵanyn atap ótti. 

Budan soń depýtattar Alǵa aýdanyndaǵy «AMK» et kom­b­ınaty, «AkTep» mal sharýa­shylyǵy kesheni men «Parıj­skaıa Kommýna-HHI» seriktes­tik­teriniń jumysymen tanysty. Sondaı-aq Aqtóbedegi «Aı­bek» ÁKK jáne «Grınhaýs Kazah­stan» jylyjaı kesheninde bol­­dy. Qarǵaly aýdanyndaǵy «Ar­da­ǵym» mekemesinde depý­tat­­tarǵa jergilikti toǵan sha­rýa­shylyǵynda ýyldyryq óndirýde zamanaýı tehnologııalardyń paıdalanylýy kórsetildi. 

Temir QUSAIYN,

«Egemen Qazaqstan»

Aqtóbe oblysy