2012 jylǵy Ádebıet pen óner salasyndaǵy Qazaqstan Respýblıkasynyń Memlekettik syılyǵynan úmitkerlerge
KONKÝRS JARIIаLANADY
Ádebıet pen óner salasyndaǵy Qazaqstan Respýblıkasynyń Memlekettik syılyǵyn berý jónindegi komıssııasy 2012 jylǵy Memlekettik syılyqqa konkýrs jarııalaıdy. Ádebıet pen óner salasyndaǵy Qazaqstan Respýblıkasynyń Memlekettik syılyǵy otandyq mádenıetti damytýǵa erekshe baǵaly úles dep tanylǵan ádebıet pen óner salasyndaǵy asa úzdik shyǵarmalary úshin beriledi. Konkýrstyq shyǵarmalardy qabyldaý 2012 jyldyń 1 aqpanyna deıin júrgiziledi. Memlekettik syılyqqa úmitker avtorlar, olardyń konkýrsqa usynǵan eńbekteriniń tizimderi jáne úmitkerlerdi usynyp otyrǵan uıymdardyń attary ashyq jarııalylyq túrde keńinen talqylaný maqsatynda respýblıkalyq buqaralyq aqparat quraldarynda jarııalanady. Qazaqstan Respýblıkasy Prezıdentiniń Jarlyǵyna sáıkes Memlekettik syılyqty alýǵa jumystardy qabyldaý aıaqtalǵanǵa deıin bes jyldan ári emes jáne keminde bir jyl buryn kópshilik aınalym úshin oryndalǵan bir avtordyń nemese avtorlar ujymynyń jumystary qabyldanady. Jumys Memlekettik syılyqqa bir ret qana usynyla alady. Buryn Qazaqstan Respýblıkasy syılyqtaryna ıe bolǵan jumystar Memlekettik syılyq alý konkýrsyna jiberilmeıdi. Qazaqstan Respýblıkasy Memlekettik syılyǵy laýreatynyń jańa jetistikteri bolǵan rette bul syılyq oǵan qaıtadan, biraq kórsetilgen syılyq osynyń aldynda berilgennen kem degende bes jyldan keıin berilýi múmkin. Ádebıet pen óner salasyndaǵy Qazaqstan Respýblıkasynyń Memlekettik syılyqqa usynylǵan izdenýshiler ujymy 5 adamnan aspaýy tıis. Bir izdenýshiniń kandıdatýrasy Memlekettik syılyqqa eki jáne odan da kóp jumystar boıynsha usynyla almaıdy. Bir avtor nemese avtorlar ujymy Memlekettik syılyqqa qatarynan eki ret usynyla almaıdy. Tulǵa memlekettik syılyq alýǵa usynǵannan keıin qaıtys bolǵan jaǵdaıdy qospaǵanda, Memlekettik syılyq qaıtys bolǵannan keıin berilmeıdi. Bul jaǵdaıda qaıtys bolǵan laýreattyń dıplomy, tósbelgisi men aqshalaı syıaqysy Qazaqstan Respýblıkasynyń zańnamasynda belgilengen tártippen mura boıynsha beriledi. Úmitkerlerdiń kandıdatýralaryn memlekettik organdardyń alqalary, shyǵarmashylyq odaqtar men ujymdar usynady. 2012 jylǵy Ádebıet pen óner salasyndaǵy Memlekettik syılyqty berý jónindegi sheshim Qazaqstan Respýblıkasynyń Táýelsizdigi kúni qarsańynda respýblıkalyq baspasóz betterinde jarııalanady. Usynylǵan eńbekterdi tirkeý úshin myna qujattar qajet: 1. Memlekettik organnyń nemese shyǵarmashylyq odaqtyń usynysy. 2. Jınalys hattamasy. 3. Shyǵarmashylyq minezdeme. 4. Úmitkerdiń jeke is qaǵazy. 5. 2 dana sýreti (3*4). 6. 20 dana usynylǵan eńbek. 7. Tulǵany rastaıtyn qujattyń kóshirmesi. 8. Shyǵarmanyń avtory jáne shyǵarma jóninde qysqasha naqty málimet (memlekettik jáne resmı (orys) tilderinde). 6-shy pýnktke baılanysty túsinikteme. Kitaptar, notalyq jazbalar, beıneleý óneri týyndylarynyń reprodýksııalary, sáýlet óneriniń shema-syzbalary, ǵımarattardyń, keshenderdiń t.b. fotosýretteri, kınofılmder men spektaklderden beınetaspalar nemese fotokórinister, konserttik qoıylymdar men oryndaýshylyq ónerdiń beıne nemese aýdıo-taspalary 20 dana etip usynylady. Memlekettik syılyqqa usynylatyn eńbekter jáne tıisti qujattar myna meken-jaıda qabyldanady: 010000, Astana qalasy, Esil ózeniniń sol jaǵalaýy, Orynbor kóshesi, 8, Mınıstrlikter úıi, Qazaqstan Respýblıkasynyń Mádenıet mınıstrligi, 15-kireberis, 5-qabat, 521-bólme. tel.: 8 (7172) 74-04-75, faks: 8 (7172) 74-05-68.
