Transformator zaýyty mamandardy ózderi daıyndaıdy

Jýyrda Q.A.Iаsaýı atyndaǵy Halyqaralyq qazaq-túrik ýnıver­­sıtetiniń Kentaý bóliminde Táýel­sizdiktiń 20 jyldyǵyna oraı fızıka jáne hımııa páninen dástúrge aı­nalǵan aımaqtyq olımpıada bolyp ótti. Dástúrge aınalǵan bul olım­pıadaǵa ótken jyly da 750 000 teńge bólinip olımpıada ótkizilgen bolatyn. Bıylǵy jyly «Bilimmen bolashaqqa» taqyrybyndaǵy pán jarysyn ótkizýge «Kentaý transformator zaýyty» AQ men Q.A. Iаsaýı atyndaǵy HQTÝ uıytqy boldy. Oǵan Qyzylorda ob­lysy men Ońtústik Qazaqstan oblysy­nyń birshama aýdandaryndaǵy bilim orda­larynyń 11 synyp oqýshylary qatysty. Olımpıada eki bólimnen turdy. Al­ǵash­qy kúni test tapsyrǵan qatysýshylar, kelesi kúni ártúrli deńgeıli esep shyǵaryp óz bilim deńgeılerin kórsetti. Jastardyń fızıka men hımııa pánine degen qyzy­ǵý­shylyǵyn arttyrý jáne atalǵan maman­dyq­tarǵa oqýǵa túsýlerine yqpal jasaý maqsatynda ótken bilim saıysyna óz isiniń bilikti mamandary, dosent, professorlar qazylyq etti. Olımpıadany saltanatty túrde ash­­qan «Kentaý transformator zaýyty» AQ bas dırektory Serǵazy Kúntýarov, Q.A. Iаsaýı atyndaǵy HQTÝ oqý-ádistemelik isi jónindegi vıse-prezıdenti Sársenbek Tur­­­tabaev, qala ákiminiń orynbasary Mahmut Qonysov qatysýshylarǵa sáttilik tiledi. – Biz jyl saıyn oblysymyzdaǵy mekteptermen birlesip jumys istep, pán olım­pıadasyn ótkizip otyramyz. Bıyl fızıka men hımııa pánin jaqsy oqıtyn jastardyń basyn qostyq. Oǵan «Kentaý transformator zaýyty» AQ-dan qarajat bóldik. Maq­­saty­­myz «Alageum Electric» kompanııasy boı­yn­sha ınjenerlik áleýetti kóterý. El egemendigin alǵaly 20 jyldyń kóleminde bul ma­man­dyqtarǵa eshkim mán bermedi. Bizdiń oıy­myzsha olımpıadaǵa qatysýshy balalar Q.A. Iаsaýı atyndaǵy HQTÝ-ǵa oqý­ǵa túsip, bizge maman bolady degen oıy­­myz bar. Já­ne de osy sátti paıdalanyp, «Alageum Elec­tric» kompanııasynyń jýyr­­daǵy qol jetkizgen jetistikterimen bólis­kim keledi. Onyń biri, QR Úkimetiniń «Ká­sibı bilim berý men bıznes: seriktesterdiń dıalogy» III-shi ha­lyqaralyq forýmda Bilim jáne ǵylym mınıstrligi tusynan «Ala­geum Electric» kom­pa­nııasyn «2011 jyly tehnıkalyq jáne ká­sibı bilim berýde eń úzdik seriktes» bolyp taǵaıyndalyp tıisti dıplomdarymen mara­pat­taldy. Al ekinshisi, «Ekspert – 100-Qa­zaq­stan» III-shi ekono­mı­kalyq forýmda reıtıng qory­tyn­dysy boıynsha «Alageum Elec­tric» kompanııasy «Eń qarqyndy da­myp kele jatqan kompanııa» nomı­na­sııasynda jeńimpaz atandy. Bul jetistikter biz úshin el Táýelsizdiginiń 20 jyldyǵy qar­sa­ńyn­daǵy este qalarlyq úlken syı boldy. Búgin sizderge de osy merekeni jadylaryńyzda qalarlyq etip ótkizýge múmkindik týyp otyr. Sizderge búgingi saıystaryńyzda sát­ti­lik tileımin! – dedi, «Kentaý trans­formator zaýyty» AQ bas dırektory Serǵazy Kúntýarov. Bul bilim básekesinde 500 000 teń­ge kóleminde júlde taǵaı­yn­dal­dy. Saıys ótkizilgen alǵashqy kúni ol­­ım­pıa­daǵa qatysýshy jastar Kentaý qala­sy­nyń tarıhı-mádenı oryndaryna jáne «Ken­taý transformator zaýyty» AQ-ǵa eks­­­kýr­­sııa jasady. Zaýyttyń jumysymen tanysty. Táýelsizdik kúnine oraı ótkizilgen «Bilimmen bolashaqqa» atty fızıka men hımııa pán olımpıadasynyń qorytyndy­synda Kentaý qalasyndaǵy M.Áýezov at­yn­daǵy №22 mektep-gımnazııasynyń oqý­shy­sy Tahır Abdýllaev pen №3 Kentaý qazaq-túrik daryndy er balalar lıseı-ın­ternatynyń oqýshysy Bekzat Sadýllaev Kentaý transformator zaýyty men Q.A. Iаs­aýı atyndaǵy Halyqaralyq qazaq-túrik ýnıversıteti taǵaıyndaǵan bas júldeni jáne «Alageum Electric» AQ daıyndaǵan arnaıy sertıfıkatty jeńip aldy. Bilim deńgeıiniń joǵary ekendikterin kórsetken oqýshylarda bilim básekesinde birinshi, ekinshi, úshinshi oryndardyń jáne arnaıy júldelerdiń ıegeri atanyp, qar­jy­­laı qomaqty syılyqtarmen marapattaldy. Baqtııar TAIJAN. Ońtústik Qazaqstan oblysy.