El Táýelsizdiginiń 20 jyldyǵyna oraı Túrksibtiń bel balasy, Úshtóbe qalasynyń baıyrǵy turǵyny, Almaty oblysyndaǵy qazirgi birden-bir kózi tiri Keńes Odaǵynyń Batyry, «Qaratal aýdanynyń qurmetti azamaty», «Qurmetti temirjolshy» Ivan Vasılevıch Kosenkov «Qazaqstan Respýblıkasynyń Táýelsizdigine – 20 jyl» merekelik medalimen marapattaldy. Osylaısha has batyrdyń omyraýyndaǵy egemendikke qol jetken táýelsizdik jyldary ıelengen «Qurmet» ordeni men «Eren erligi úshin» medaliniń qatary taǵy bir aıshyqty nagradamen tolyǵa tústi. Búgingi tańda tolyqtaı memleket qamqorlyǵyna alynǵan eren erge Úkimet nagradasyn Qaratal aýdanynyń ákimi Sultan Dúısenbinov saltanatty jaǵdaıda tabystap, qart maıdangerge zor densaýlyq, qajymas qaırat tiledi. О́z kezeginde dańqty batyr ózine jasalyp otyrǵan turmystyq jaǵdaıǵa, Elbasynyń sarabdal saıasatyna atalyq rızashylyǵyn bildirdi
О́tken ǵasyrdyń 1941-1945 jyldary adamzat balasyna qısapsyz qaıǵy-qasiret ákelgen Otan soǵysyna bastan-aıaq qatysyp, jalyndaǵan ot pen ysqyrǵan oq kórgen aǵa býynnyń sýarylǵan quryshtan da beter bolyp jaratylǵan ókili búgingi tańda seksenniń seńgirine shyqsa da ózin sergek sezinedi. Haq Táńiriniń sharapaty tıip, uzaǵynan súısindire berse, batyr aǵamyz araǵa eki jyl salyp (1923 jyly týǵan) toqsan degen asýdy da baǵyndyrǵaly tur. Shaǵyn qala – Úshtóbeniń ǵana emes, kún shuǵylaly Qazaqstannyń maqtanyshy sanalatyn Ivan Kosenkovtyń ónegeli ómir joly jastardy otansúıgishtikke jáne patrıottyq rýhta tárbıeleýdiń jarqyn mysaly, izgi kórinisi bola alady.
Qarasha QARAMAN.
Almaty oblysy, Úshtóbe qalasy.
