Bas kelisimge qol qoıyldy

Keshe Áleýmettik árip­tes­­tik jáne áleýmettik jáne eń­bek qatynastaryn retteý jó­nin­degi respýb­lı­kalyq úsh­jaq­ty komıs­sııa­nyń otyry­sy ótti. Otyrys barysynda Qa­zaq­stan Úkimeti, qyzmetkerlerdiń res­pýb­lıkalyq birlestikteri jáne ju­mys berýshilerdiń res­pýblı­kalyq birlestikteri arasyndaǵy  2012-2014 jyl­darǵa arnalǵan bas kelisimge qol qoıyldy. Bas kelisimde Qazaqstan Res­­pýb­lıkasy Úkimetiniń, qyz­met­ker­lerdiń respýblıkalyq bir­les­tikteriniń jáne jumys be­rýshi­ler­diń respýblıkalyq bir­lestik­te­riniń ekonomı­ka­lyq saıasat, eńbek rynogyn damytý, ha­lyq­­tyń tıimdi ju­myspen qam­ty­lýy­na yqpal etý, jalaqy, ha­lyqtyń taby­sy men ómir súrý deńgeıi, áleý­mettik qam­syz­dan­dyrý jáne áleýmettik qor­ǵaý, teń múm­­kin­dikter berý saıasaty, eńbek jaǵ­daılary jáne eń­bekti qorǵaý, ónerká­sip­tik jáne eko­lo­gııa­lyq qaýipsizdik, áleýmettik áriptes­tikti jáne bıznestiń áleý­mettik jaýapkershiligin da­my­tý sala­syn­daǵy pozısııalary kelisildi. Kelisimge qol qoıa otyryp, taraptar «Jumyspen qam­tý–2020» baǵdarlamasynyń ne­gizgi baǵyt­ta­ryn iske asy­rýda, halyqtyń ómir súrý jaǵ­daıyn jaqsartý jáne jumys isteıtin aza­mat­tardyń áleý­met­tik qorǵaý deńgeıin arttyrý, áleýmettik-eńbek qaty­nas­ta­ryn ujymdyq shart arqyly retteýdiń quqyq­tyq bazasyn jetildirýge jáne ujymdyq eńbek daýlaryn she­shý­diń tıimdiligin arttyrýǵa ba­ǵyttalǵan shara­la­rdy jáne Ha­lyqara­lyq eńbek uıymymen bir­lesip Qazaqstan Respýblı­ka­syndaǵy laıyqty eń­bek ulttyq baǵdar­la­masyn iske asyrýda kúsh biriktirýge kelisti. Kelisimge Qazaqstan Úkimeti atynan Premer-Mınıstrdiń oryn­­basary Erbol Orynbaev, Eńbek jáne halyqty áleý­met­tik qorǵaý  mınıstri Gúlshara Ábdi­qa­lyqova, Qyzmetker­ler­diń res­­pýblıkalyq birlestikteri aty­nan – Qazaqstan Ká­sip­odaq­tary federasııasynyń tóra­ǵa­sy Sııazbek Muqashev, Jumys berý­shi­lerdiń respýb­lı­kalyq birlestikteri atynan – «Atameken» odaǵy» ulttyq eko­nomı­ka­lyq palatasynyń, Qazaq­stannyń ju­mys berýshiler kon­fe­de­ra­sııa­sy, Taý-ken óndirisi jáne taý-ken metal­lýrgııalyq res­pýb­lıkalyq qaý­ymdastyǵy, son­­daı-aq, Qa­zaqstan Taýar ón­dirýshileri men eksport­taýshy­lary odaǵy jáne Eýrazııalyq ónerkásip assosıa­sııasynyń ókil­deri qol qoıdy, dep ha­bar­lady Premer-Mı­nıstr­diń bas­pa­sóz qyzmeti.