«Ǵylym men tehnıka, ádebıet pen óner salasyndaǵy Qazaqstan Respýblıkasynyń memlekettik syılyqtary týraly» Qazaqstan Respýblıkasy Prezıdentiniń 2007 jylǵy 13 tamyzdaǵy №381 Jarlyǵyna ózgerister men tolyqtyrý engizý týraly
Qaýly etemin:
1. «Ǵylym men tehnıka, ádebıet pen óner salasyndaǵy Qazaqstan Respýblıkasynyń memlekettik syılyqtary týraly» Qazaqstan Respýblıkasy Prezıdentiniń 2007 jylǵy 13 tamyzdaǵy №381 Jarlyǵyna (Qazaqstan Respýblıkasynyń PÚÁJ-y, 2007 j., №27, 310-qujat; 2008 j., №42, 465-qujat; 2009 j., №27-28, 234-qujat) mynadaı ózgerister men tolyqtyrý engizilsin:
1) joǵaryda atalǵan Jarlyqpen bekitilgen Ǵylym men tehnıka, ádebıet pen óner salasyndaǵy Qazaqstan Respýblıkasynyń memlekettik syılyqtary týraly erejede:
4-tarmaqtyń úshinshi bóligi mynadaı redaksııada jazylsyn:
«Ǵylym men tehnıka salasyndaǵy Qazaqstan Respýblıkasynyń Memlekettik syılyǵyn berý jónindegi komıssııanyń qyzmetin qamtamasyz etýdi Qazaqstan Respýblıkasy Bilim jáne ǵylym mınıstrligi, Ádebıet pen óner salasyndaǵy Qazaqstan Respýblıkasynyń memlekettik syılyǵyn berý jónindegi komıssııanyń qyzmetin qamtamasyz etýdi Qazaqstan Respýblıkasy Mádenıet mınıstrligi júzege asyrady.»;
5-tarmaqtyń úshinshi bóligi mynadaı redaksııada jazylsyn:
«Dıplomdar men tósbelgisin daıyndaýǵa, saraptama júrgizýge baılanysty shyǵystar Qazaqstan Respýblıkasy Bilim jáne ǵylym mınıstrligi men Qazaqstan Respýblıkasy Mádenıet mınıstrliginiń qarajaty esebinen qarjylandyrylady.»;
6-tarmaq mynadaı mazmundaǵy altynshy bólikpen tolyqtyrylsyn:
«Bir avtor nemese avtorlar ujymy memlekettik syılyqqa qatarynan eki ret usynyla almaıdy.»;
11-tarmaqtyń birinshi abzasy mynadaı redaksııada jazylsyn:
«11. Qazaqstan Respýblıkasy Bilim jáne ǵylym mınıstrligi men Qazaqstan Respýblıkasy Mádenıet mınıstrligi:»;
15-tarmaq mynadaı redaksııada jazylsyn:
«15. Tulǵa memlekettik syılyq alýǵa usynǵannan keıin qaıtys bolǵan jaǵdaıdy qospaǵanda, Memlekettik syılyq qaıtys bolǵannan keıin berilmeıdi.
Bul jaǵdaıda qaıtys bolǵan laýreattyń dıplomy, tósbelgisi men aqshalaı syıaqysy Qazaqstan Respýblıkasynyń zańnamasynda belgilengen tártippen mura boıynsha beriledi.»;
2) joǵaryda atalǵan Jarlyqpen bekitilgen Ádebıet pen óner salasyndaǵy Qazaqstan Respýblıkasynyń Memlekettik syılyǵyn berý jónindegi komıssııa týraly erejede:
4-tarmaq mynadaı redaksııada jazylsyn:
«4. Komıssııanyń jumys organy Qazaqstan Respýblıkasy Mádenıet mınıstrligi bolyp tabylady.»;
3) joǵaryda atalǵan Jarlyqpen bekitilgen Ǵylym men tehnıka salasyndaǵy Qazaqstan Respýblıkasynyń Memlekettik syılyǵyn berý jónindegi komıssııanyń quramy osy Jarlyqqa 1-qosymshaǵa sáıkes jańa redaksııada jazylsyn;
4) joǵaryda atalǵan Jarlyqpen bekitilgen Ádebıet pen óner salasyndaǵy Qazaqstan Respýblıkasynyń Memlekettik syılyǵyn berý jónindegi komıssııanyń quramy osy Jarlyqqa 2-qosymshaǵa sáıkes jańa redaksııada jazylsyn.
5) joǵaryda atalǵan Jarlyqpen bekitilgen Qazaqstan Respýblıkasy Memlekettik syılyǵy laýreatynyń dıplomy men tósbelgisiniń sıpattamasynda:
1-tarmaqtyń úshinshi bóligi mynadaı redaksııada jazylsyn:
«Muqabada altyn túspen batyńqy túsirilgen:
1) ústińgi jaǵynda – Qazaqstan Respýblıkasynyń Memlekettik Eltańbasy;
2) Memlekettik Eltańbanyń tómengi jaǵynda – memlekettik tilde:
«Qazaqstan Respýblıkasy
Memlekettik syılyǵy laýreatynyń
DIPLOMY»
degen jazý ornalasady (1-qosymsha).»;
2-tarmaqtyń ekinshi jáne úshinshi bóligi mynadaı redaksııada jazylsyn: «Japsyrmanyń syrtqy jaǵynda: 1) ústińgi jaǵynda – Qazaqstan Respýblıkasynyń Memlekettik Eltańbasy; 2) Memlekettik Eltańbanyń tómengi jaǵynda – memlekettik tilde:«Qazaqstan Respýblıkasy
Memlekettik syılyǵy laýreatynyń
DIPLOMY»
degen jazý ornalasady (2-qosymsha).
Japsyrma bettiń ishki eki jaǵynyń ortasynda Qazaqstan Respýblıkasy Memlekettik Eltańbasynyń fondyq beınesi salynǵan.». 2. Osy Jarlyq qol qoıylǵan kúninen bastap qoldanysqa engiziledi.Qazaqstan Respýblıkasynyń Prezıdenti N.NAZARBAEV.
Astana, Aqorda, 2011 jylǵy jeltoqsannyń 28-i. №211
