AQSh elshisimen kezdesti

28 jeltoqsanda Ortalyq saılaý komıssııasynyń tóraǵasy Qýandyq Turǵanqulov AQSh-tyń Qazaqstandaǵy elshisi Kennet Feırfakspen onyń ótinishi boıynsha kezdesti. Kezdesýde OSK tóraǵasy AQSh elshisin Parlament Májilisi depýtattary men máslıhattary depýtattary saılaýyna ázirlik barysymen tanystyrdy. Ortsaılaýkom basshysy atap ótkendeı, saıası partııalardyń saılaýaldy úgit jumystary quqyq aıasynda jáne saılaýaldy úgit sharalarynyń zańnamamen kózdelgen barlyq nysandarynda júrip jatyr. Tek Jańaózen qalasynda ǵana tótenshe jaǵdaıdyń engizilýine baılanysty saıası partııalar men máslıhattar depýtattyǵyna kandıdattar buqaralyq kópshilik sharalardy ótkizýden bas tartýy jáne olardyń ornyn BAQ-tar men kórneki úgit nysandaryn belsendirek paıdalaný esebinen toltyrýy tıis. «Saılaý organdary óz tarapynan 15 qańtarda bul qalanyń turǵyndary ózderiniń saılaý jáne saılaný konstıtýsııalyq quqyǵyn iske asyrýǵa múmkindik alýy úshin barlyq qajetti jaǵdaıdy jasaýda», – dedi Qýandyq Turǵanqulov osy týraly. OSK tóraǵasy, sondaı-aq «Rýhanııat» partııasynyń partııalyq tizimin tirkeýdiń kúshin joıý sebepteri jóninde aıta kelip, halyqaralyq baıqaýshylardyń daýys berý kúni saılaýdy baıqaýdy iske asyrýyna, anyqtalǵan kemshilikterdi joıý tártibine, máslıhattar depýtattyǵyna kandıdattar usyný men tirkeý tártibine, bul úderiske saıası partııalardyń katysýyna baılanysty suraqtarǵa jaýap qaıtardy. Al elshi óz kezeginde bizdiń elimizdiń saılaý zańnamasy men Prezıdent N.Á.Nazarbaevtyń saıası erki Qazaqstan Respýblıkasynyń aldaǵy saı­laý­dy ashyq ótkizýge múmkindik beretinin atap ótip, saılaýdy uıymdastyrýshylarǵa tabys tiledi. «Burynǵy barlyq saılaýlarda halyqaralyq baı­qaý­shylar Qazaqstan Respýblıkasynyń Ortalyq saılaý komıssııasy saılaýdy óz deńgeıinde uıym­das­tyrǵanyn ataǵan edi, – dedi Kennet Feırfaks. – Osy deńgeı aldaǵy saılaýda barlyq deńgeıdegi saı­laý komıssııalarynda qoldaý tabady jáne bul saı­laý eń tabysty saılaý bolady dep úmittenemiz». Álısultan QULANBAI.