Elbasy óziniń bıylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýynda halyqtyń ómir sapasyn arttyrýǵa baǵyttalǵan 6 naqty qadamdy atap ótti.
Elbasynyń Qazaqstan halqyna Joldaýyn Qostanaı oblysynyń jastary ystyq yqylaspen, asqan qýanyshpen qarsy aldy. Bir aıta keterligi, Qostanaı oblysynda ornalasqan 6697 áskerı bólimniń ofıserleri, kelisimshart qyzmetkerlermen qatar sarbazdar Joldaýdy tikeleı efır barysynda tyńdaı aldy. Elbasy jastar máselesin eshqashan nazardan tys qaldyrǵan emes. Eldiń keleshegi, táýelsizdikti odan ári tuǵyrlandyratyn, Elbasynyń aýqymdy strategııalyq mejelerin, maqsattaryn iske asyratyn da jastar ekeni daýsyz. Sondyqtan da Elbasy qashanda jastardyń máselesine erekshe nazar aýdaryp, árbir Joldaýynda jastarǵa úlken yqylas tanytady. Keler jyldyń «Jastar jyly» dep jarııalanýy óńirimizdegi jastar saıasatyn ilgeriletýge taǵy da bir úlken serpin beretinine senip otyrmyz. Bizdiń oblystaǵy jas sarbazdardyń áleýeti óte joǵary. Biz qazirgi tańda Elbasynyń alǵa qoıyp otyrǵan máseleleriniń barlyǵyn zerdelep, zerttep, birqataryn iske asyrýdy tyńǵylyqty túrde bastap ta ketkenbiz. Bıylǵy Joldaý jasap jatqan jumysymyzǵa, qazirgi iske asyryp jatqan jobalarymyzǵa taǵy da bir serpin beretinine kózimiz jetip otyr.
Joldaý asa mańyzdy másele – halyqtyń ál-aýqatyn arttyrýǵa baǵyttalyp otyr. Elbasy anyqtaǵan alty vektor birinen-biri týyndap qana qoımaı, sonymen qatar birin-biri tolyqtyrýshy bolyp tabylady jáne qujattyń kemel oılastyrylǵany onyń keshendiligin odan beter dáleldeı túsedi. Joldaýdyń sońynda árbir qazaqstandyqtyń elimizdegi ózgerister úderisine atsalysý máselesine aıryqsha nazar aýdarylady. Olaı bolsa árqaısysymyz júrgizilip jatqan reformalardyń mánin jáne olardyń Otanymyzdy órkendetý jolyndaǵy mańyzyn jete túsinýge tıispiz. Birligimiz myzǵymasa, yntymaǵymyz ydyramasa, biz úshin alynbaıtyn asý, baǵynbaıtyn beles bolmaıdy, dep atap ótti Memleket basshysy. Elbasynyń Joldaýy á degennen-aq óziniń kókeıkestiligimen halyq arasynda keń qoldaýǵa ıe boldy. Bizdiń mindetimiz – qysqa ýaqytta atalmysh qujatta júktelgen tapsyrmalardy júzege asyrý. Jarqyn bolashaǵymyzdy dostyqta, kelisimde jáne birlikti qurýdyń qajettigin túsinetin ýaqyt keldi. Sybaılas jemqorlyqpen kúresýde qoǵamnyń qoldaý kórsetýi budan da artyq nátıjelerge qol jetkizýge jáne álemniń damyǵan 30 memleketiniń qataryna kirýge óz septigin tıgizetinine kámil senimdimin.
Erlan IPATOV,
6697 áskerı bólim komandıri,
podpolkovnık
Qostanaı oblysy
