О́z kezeginde Ankara Er-Rııadty seriktestikke shaqyrýda. Túrkııanyń syrtqy ister mınıstri Mevlıýt Chavýshoglý: «Saýd Arabııasymen birlese jumys isteýimiz kerek. Saýd Arabııasy prokýratýra qyzmetkerleri men sarapshylarǵa memleket konsýldyǵynyń aýmaǵyna kirýge múmkindik berýi kerek. Jýrnalıst sońǵy ret qaıda kórindi? Konsýldyqta. Degenmen, tergeý prosesine eshqandaı kómek kórsetilip jatqan joq», dedi.
AQSh prezıdenti Donald Tramp Saýd Arabııasymen áskerı kelisimdi jalǵastyrmaq nıetimen bólisti. Jaǵdaı ózgerse, quny 110 mıllıard dollar bolatyn tapsyrystar basqa memleketterge buıyrmaq. Donald Tramp «Men Túrkııa men Saýd Arabııasynyń basshylarynan jaǵdaı týraly habar alý úshin qońyraý shalamyn», dep sóz berdi.
AQSh parlamenti Saýd Arabııasy bul oqıǵaǵa baılanysty Magnıtskıı aktyna sáıkes adam quqyqtarynyń buzylýy boıynsha jaýap berýi tıis deıdi. AQSh kongresinde Er-Rııadqa oq-qarý tasymaldaý máselesi talqylandy. Alaıda, Amerıka prezıdenti tasymaldy toqtatýdyń esh sebebi joǵyn aıtty. Sarapshylar bul sheshim Amerıka kongresi men aq úıdiń qarym-qatynasyna áser etýi múmkin deıdi.
Djamal Hashoggı Saýd Arabııasynyń qazirgi saıası jaǵdaıyn synaýshy jýrnalıst retinde tanys. Sońǵy ret 2 qazan kúni Ystambul qalasyndaǵy Saýd Arabııasynyń konsýldyǵynda kórinedi. Túrik polısııasy jýrnalıst dıplomatııalyq vedomstvo ǵımaratynda óltirildi dep kúdiktenedi. Tergeý jumystary jalǵasýda.
