Taǵylymdamanyń negizgi maqsaty áskerı oqý ornynda áskerı mamandyq pánderin oqý barysynda alǵan teorııalyq bilimderin bekitý, laýazymdyq arnalymyna baılanysty tájirıbe jınaqtaý, jeke qurammen jumys jasaý barysynda komandırlik jáne tárbıelik mashyqtar boıynsha tájirıbe jınaqtaý, paıdalanýdy uıymdastyrý, áskerı tehnıkany jóndeý jáne saqtaý bolyp tabylady.
Áskerı bólimderdiń uıymdyq-shtabtyq qurylymymen tanysqannan keıin laýazymdyq mindetterin, bólim komandırleriniń buıryqtaryn zerdelegen soń kýrsanttar óz laýazymdary boıynsha mindetterin oryndaýǵa kirisýge jiberiledi. О́z kezeginde, kýrsanttar kelgen áskerı bólimderdiń ofıserleri tálimgerler áskerı bólimniń negizgi quramyna kirip, olarǵa júktelgen mindetterdi sátti oryndaýlary úshin bar kúshterin salýda.
− Men áskerı taǵylymdamany Atyraý qalasyndaǵy 41433 áskerı bóliminde ótip jatqanyma qatty qýanyshtymyn. Bir aı ishinde biz vzvod komandıri laýazymyn atqaratyn bolamyz, senip tapsyrylǵan jeke qurammen taktıka, oq atý jáne dene daıyndyǵy boıynsha sabaqtar ótkizemiz. Áskerı is júrgizýdiń negizderin oqyp bilemiz. Áskerı bólim basshylyǵy bizderdiń árqaısysymyzǵa bir jetekshi ofıserden taǵaıyndady, olar bizge áskerı ómirmen tanysýǵa kómektesip, tolyq qoldaý kórsetýde, dedi Qurlyq áskerleri Áskerı ınstıtýtynyń 3-kýrs kýrsanty Erasyl Ermaǵambetov.
Bir qyzyǵy, taǵylymdamaǵa kelgen kýrsanttardyń basym bóligi áskerı oqý ornynyń aıaqtaǵan soń, «Batys» óńirlik qolbasshylyǵynyń áskerı bólimderine túsýlerin qalaıdy, ásirese teńiz jaıaý áskeri men barlaý bólimshelerine.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
