Elbasymyzdyń kezekti joldaýyn oqı otyryp, elimizdiń tarıh sahnasynan eleýli oryn alarlyqtaı qarqyndy damyp kele jatqandyǵyn ańǵardym. Táýelsizdik jyldarynan soń jetken jetistikterimiz aýyz toltyryp aıtarlyqtaı. Elimizdiń mádenı ortalyǵyna aınalǵan arý qala – Astana, EKSPO-2017 halyqaralyq kórmesi, halyq sanynyń qarqyndy ósýi, ortasha ómir súrý uzaqtyǵynyń ósýi, ekonomıkamyzdyń órkendeýi, ınfraqurylymdy damytýǵa baǵyttalǵan baǵdarlamalardyń iske asýy zamanaýı memlekettiń irgesin nyǵaıtýǵa zor úlesin qosyp otyr.
Jahandaǵy ózgerister men jahandyq problemalar jáne adam eńbegine talaptyń kúsheıýine baılanysty adam eshqashan ózin damytýdy toqtatpaýy tıis. Memlekette árbir adam ózin damytýshy, izdenýshi tulǵa retinde tanyta bilse, sonymen qatar, izdenisiniń nátıjesin qoldana otyryp áreket jasasa, elimizdiń ál-aýqatynyń jaqsarýy joǵary deńgeıge jetedi dep oılaımyn.
Joldaýdyń basty mazmuny halyqtyń turmysyn jaqsartý, halyqtyń múddesin qorǵaý, orta býynnyń jalaqysyn kóterý, bilim sapasyn arttyrý, orynsyz shyǵyndardy azaıtyp, halyq densaýlyǵyn nyǵaıtý, jastardy qoldaý bolyp tabylady. Mine, osylaısha halyqtyń kókeıindegi birneshe suraqtardyń sheshimi tabyldy. Elimizde halyq sanynyń damylsyz ósýine baılanysty turǵyn úı suranysy da artyp keledi. Jalaqyny kóterýmen qatar, kórkine kóz toımaıtyn záýlim úılerge qol jetkizýge arnalǵan tıimdi baǵdarlamalar halyqqa zor qýanysh syılap otyr.
Bilim berý júıesindegi oqytý ádistemesine biryńǵaı standart engizip, árbir oqýshyny óziniń suranysyndaǵy mamandyqqa baǵyttaı otyryp, oqýshy júktemesin azaıtý óte oryndy sheshim. «Pedagog mártebesi týraly» zańnyń qabyldanýy bilim berý júıesinde ustazdarǵa oń áserin tıgizedi. Sebebi Joldaýda aıtylǵandaı, olardy mindetten tys fýnksııalardan arashalaıdy. Odan bólek mektepke deıingi jáne mektep jasyndaǵy balalardyń, joǵary oqý ornyndaǵy stýdentterdiń bilim sapasynyń jaqsarýy básekege qabiletti jastardy daıarlaýǵa múmkindik beredi.
Medısına salasyna keler bolsaq, turǵyndar densaýlyǵy úshin tıimdi tyń maqsattar alǵa qoıylǵan. Jańa zamanaýı tehnologııanyń arqasynda elektrondy medısınalyq qujatqa qol jetkizý arqyly turǵyndarǵa joǵary deńgeıdegi medısınalyq qyzmet usyna alamyz. Áleýmettik mańyzy bar aýrýlar ortalyǵynyń qurylysyn bastaý qaýipti aýrýlardyń aldyn alyp, adam ómirin qutqarýǵa kómektesedi.
Ult densaýlyǵy úshin deneshynyqtyrý oryndaryn kóbeıtý – adamdardyń sportqa degen qyzyǵýshylyǵyn oıatyp, salamatty ómir saltyn ustanýǵa jeteleıdi. Deni saý ult – memlekettiń basty baılyǵy. Elbasymyz qoǵamǵa qatysty mańyzdy máselelerdiń sheshimin tabýǵa naqty mindetter júktedi. Sot júıesine, qarjy júıesine, quqyq qorǵaý organdarynyń jumysyna sapaly ózgerister engizdi. Prezıdentimiz jastarǵa úlken senim artyp jáne jiger bere otyryp, 2019 jyldy «Jastar jyly» dep jarııalady. Sondyqtan jalyndaǵan qazaq jastaryn elimizge adal qyzmet etý úshin jumyla eńbektenýge shaqyramyn.
Móldir BAZARBAEVA,
Mańǵystaý oblystyq narkologııa dıspanseriniń dáriger-epıdemıology
Aqtaý
