«Ǵajap! Ústirt memlekettik tabıǵı qoryǵynyń qyzmetkerleri keremet jańalyqty habarlady. Qoryq aýmaǵynda qabylan paıda boldy», - dep jazdy Sáken Dildahmet.
Onyń jazýynsha, kezinde bul óńirde gepardtar tirshilik etken. Al qabylannyń kezigýi birinshi ret tirkelip otyr.
Eske sala ketsek, Ústirttiń qazaqstandyq bóliginde sırek kezdesetin janýarlardyń bary dáleldengenin buryn da habarlaǵan bolatynbyz. Qazaqstannyń bıoalýantúrlilikti saqtaý qaýymdastyǵynyń (QBSQ) ekinshi ekspedısııasy Ortalyq Azııa shólderi jónindegi bastama (OAShB) jobasy boıynsha Ústirttiń Qazaqstandaǵy ońtústik bóligine baryp, osyndaı tujyrym jasaǵan.
Aıta keteıik, qabylandar Afrıka, Orta Azııa jáne Úndistanda taralǵan. Qazaqstanda 18-ǵasyrdyń aıaǵy — 19-ǵasyrdyń basynda Kaspıı men Aral teńizderiniń aralyǵyndaǵy shóldi aımaqta tirshilik etken. 20-ǵasyrdyń 50-jyldary sırek bolsa da, Ústirt pen Mańǵystaý túbeginde kezdesip qalyp júrdi.
Qabylan tropıktik jáne sýbtropıktik aımaqtardaǵy ormandarda, taý betkeılerinde, jazyq dalalar men savannada, ózen boıyndaǵy toǵaılarda tirshilik etedi.
