Jerlesterimiz «Stepnoı noktıýrn» qoıylymyn sahnalap, Qazaq handyǵynyń qurylýy, jońǵar shapqynshylyǵy, 20-30 jyldardaǵy ashtyq, saıası qýǵyn-súrgin oqıǵalaryn pilte shamnyń jaryǵynda beıneleý arqyly órermenderdi tánti etti.
«Spektakldi qoıý úshin teatr basshylyǵy esimi álemge tanymal chehııalyq rejısser Evgenıı Ibragımovty arnaıy shaqyrtty. Ol dástúrli ádisten, taptaýryn joldan góri qazirgi zamanǵa beıimdelgen tyń sheshimder taýyp, sony izdenister óte sátti oryndaldy», deıdi teatrdyń beldi aktrısasy Aıgúl Hasenova. Festıval baǵdarlamasy boıynsha qoıylym bir ret emes, kópshiliktiń suraýymen 5 ret qoıylypty.
Aqtóbe qalasynda ótken halyqaralyq festıvalda «Serebrıanoe kopytse» spektakli sahnalanypty.
Eki baıqaýda da jerlesterimizdiń óneri joǵary baǵalanyp, Alǵys hatpen marapattalypty. Alda Omby sapary kútip tur.
О́mir ESQALI,
«Egemen Qazaqstan»
Soltústik Qazaqstan oblysy
