Nóldik eseptegi bir kartanyń quny -300 teńge.
Smart-karta shotyn tasymaldaýshylar arqyly, satý núktelerinen, Qiwi-termınaldar arqyly jáne "SmartQala"mobıldi qosymshasy arqyly tolyqtyrýǵa bolady.
Jalpy halyqqa 9 tólem túri qoljetimdi - kóliktegi smart karta, bank kartasy, NFC qoldanbasy bar smartfon, QR kody, QR kartasy, SMS habarlamalar, Bluetooth, messendjer jáne jolserikke qolma-qol tólem tóleý.
Aıta ketý kerek, bul júıe qala turǵyndaryna jolaqyny ádettegi jalaqy nemese zeınetaqy alatyn bank kartasymen tóleýge múmkindik beredi, halyqqa qolaıly jaǵdaı jasaıdy, ıaǵnı jeke avtobýs kartasyn satyp alý jáne alyp júrý qajettiligi bolmaıdy.
Sondaı-aq, árbir avtobýstyń kabınasynda kórsetilgen 9505 qysqa nómirine naqty avtobýs nómirin SMS joldaý arqyly uıaly nómirdiń teńgerimimen tóleýge bolady.
- Qazirgi ýaqytta «SmartQala» mobıldik qosymshasy jumys isteıdi, onyń kómegimen tólemniń barlyq túrlerin jasaýǵa jáne karta teńgerimin baqylaýǵa bolady. Mobıldi qosymshada tólem kózin tańdaýǵa, baılanystyrylǵan bank kartasy teńgerimi, Smart teńgerimi nemese mobıldi nómirdiń teńgerimi arqyly jol júrý úshin aqy tóleýge bolady.
Kóp uzamaı bul qosymsha arqyly barlyq kommýnaldyq tólemderdi, jol aqylaryn jáne salyqtardy tóleýge bolady. Jyl aıaǵyna deıin qosymshada biz avtobýstardyń kelý ýaqytyn, baqylaý fýnksıonaldyǵyn iske qosamyz. Jolaýshy qalaǵan aıaldamany tańdap, jaqyn mańdaǵy qoǵamdyq kóliktiń naqty kelý ýaqytyn kóre alady (aıaldamanyń onlaın-tablosy), - dedi "Ѕmart -TKSh" JShS ókili Erlan Nurlanuly.
Búginde 54 avtobýs mobıldi termınaldarmen jabdyqtalǵan. 1 qarashaǵa deıin qalanyń barlyq 200 avtobýstaryn jabdyqtaý jáne olarǵa QR-kodtar berý josparlanýda.
-Atyraý qalasynyń qoǵamdyq kólikterinde elektrondy bıletter júıesin engizý oń nátıje beredi , bul qozǵalystyń ashyqtyǵyn qamtamasyz etedi, azamattardyń áleýmettik sanattary boıynsha statıstıkany júrgizýge, bıýdjetke salyq túsimderin arttyrýǵa, qoǵamdyq kólikterdi baqylaýǵa múmkindik beretindigine senemiz,-dep málimdedi Erlan Nurlanuly.
Atyraýdaǵy jobanyń artyqshylyǵy – tólemder onlaın-formatta qabyldanady jáne tólemderdiń barlyq 9 túri bir ıntegrasııalanǵan júıede jumys isteıdi.
