Halyq aqyny Igibaı Álibaevtyń 115 jyldyǵyna oraı M.Qozybaev atyndaǵy SQMÝ-de «I.Álibaev murasy jáne rýhanı jańǵyrý qundylyqtary» taqyrybynda respýblıkalyq ǵylymı-tájirıbelik konferensııa ótti.
Ýnıversıtet qabyrǵasynda uıymdastyrylǵan konferensııada aqynnyń shyǵarmashylyǵy, ósken ortasy, aqyndyq dástúri keńinen áńgimelenip, murasyn jastarǵa jete tanystyrý maqsatynda mektep baǵdarlamasyna engizý máselesi kóterildi. s
«I.Álibaev Qojabergen jyraý, Segiz Seriden kele jatqan halyqtyq, ádebı dástúrdi jalǵastyryp, keńestik dáýirde aıtys ónerin jandandyrýshylardyń bolǵanyn qazirgi býyn bile bermeıdi. Respýblıkadaǵy alǵashqy aıtystardyń biri Qyzyljar óńirinde ótken. Onda Igekeń top jaryp, tuńǵysh «halyq aqyny» ataǵyna ıe bolǵan», dedi Sh. Ýálıhanov atyndaǵy Kókshetaý memlekettik ýnıversıtetiniń professory Sábıt Jámbek.
Doktorant Ǵarıfolla Ábilqasov keshegi sal-serilerdiń sarqyty, sońǵy tuıaǵy sanalǵan aıtys aqtańgeriniń Esil jáne Kókshe óńirine ortaq tóltým aqyn ekenin, keremet ánshiligi, sýyrypsalma aqyndyǵy, sóz tapqyrlyǵy áli de zerdeleýdi qajet etetinin jetkizdi.
Bir ókinishtisi, týǵan aýyly-Aıtýardaǵy mektepke aqyn atyn berý jónindegi sheshim aıaqsyz qaldy, desti jıynda sóıleýshiler.
Respýblıkalyq konferensııaǵa Astana, Almaty, Qaraǵandy, Kókshetaý jáne taǵy da basqa qalalardan 30-ǵa jýyq baıandama túsip, oqyldy.
О́mir ESQALI,
«Egemen Qazaqstan»
Soltústik Qazaqstan oblysy
