26-29 qazan aralyǵynda Serbııanyń Belgrad qalasynda taekvondodan halyqaralyq týrnır ótti. Irikteý kezeńderinde el namysyn qorǵaǵan Azııa oıyndarynyń kúmis júldegeri Jansel Denız Ispanııa jáne Serbııa elinen kelgen qarsylastaryn jeńip shyqqan bolatyn. Jartylaı fınalda ol fransııalyq Maeva Mellıermen kezdesip, 4:2 esebimen basym tústi.
Sondaı-aq,Jansel fınalda taǵy bir fransýzdyq Solene Aboýleteni 5:3 esebimen jeńedi.
-Týrnır óte joǵary deńgeıde ótti. Árbir sportshy olımpıadalyq reıtıngtegi upaıyn kóbeıtý úshin kelgeni belgili. Men tórt sportshymen kezdesip, barlyǵyn jeńdim. Osy joly 73 kelide baq synaǵan edim. Qarsylastarym maǵan qaraǵanda iri. Dese de, men jyldamdyqtyń arqasynda kóp upaı jınadym. Altyn medalmen qatar, reıtıngte on upaı enshilegenimdi de aıtqym keledi. Maǵan qoldaý kórsetken barshańyzǵa alǵysym sheksiz, - deıdi Jansel Denız.
Aıta keteıik, atalǵan týrnırden soń Jansel 108 upaımen álemdik reıtıngte 25-i orynǵa taban tiredi.
