Qazaqstan EYDU-nyń Ispanııa (30 oryn), Fransııa (32), Polsha (33), Portýgalııa (34), Shveısarııa (38), Japonııa (39), Túrkııa (43) syndy elderin basyp ozdy.
Usynylǵan reıtıng nátıjeleri Qazaqstannyń negizgi 10 baǵyttyń 6-ýy boıynsha joǵary ilgerilegendigin kórsetti.
Qazaqstan óziniń «Mınorıtarlyq ınvestorlardy qorǵaý» ındıkatory boıynsha birinshi ornyn saqtap qaldy jáne reıtıng qorytyndysynda mynadaı ındıkatorlar boıynsha alǵa shyqty:
«Kelisim sharttardy oryndaýdy qamtamasyz etý», reıtıngtegi 6-pozısııadan 4-ke kóshý arqyly(+2);
«Qurylysqa ruqsat alý», reıtıngtegi 52-pozısııadan 35-ke kóshý arqyly(+17);
«Kásiporyn ashý»,reıtıngtegi 41-pozısııadan 36-ǵa kóshý arqyly(+5);
«Tóleý qabiletsizdigin sheshý», reıtıngtegi 39-pozısııadan 37-ge kóshý arqyly(+2);
«Kredıt alý», reıtıngtegi 77-pozısııadan 60-qa kóshý arqyly(+17);
«Halyqaralyq saýda», reıtıngtegi 123-pozısııadan 102-ge kóshý arqyly(+21).
Qalǵan úsh ındıkator boıynsha respýblıkanyń pozısııasy: «Menshikti tirkeý» ındıkatory boıynsha 18 oryn - 1 pozısııaǵa, «Salyq salý» ındıkatory boıynsha 56 oryn– 6 pozısııaǵa, «Elektrmen jabdyqtaý júıesine qosylý» ındıkatory boıynsha 76 oryn – 6 pozısııaǵatómendegen.
Budan bir jyl buryn Qazaqstan «Doing Business» reıtınginde 36-pozısııany ıelengen bolatyn.
Úkimettiń 2014-2018 jylǵy kezeńderde Qazaqstandaǵy iskerlik ahýaldy jaqsartý boıynsha birqatar teńdessiz túbegeıli reformalar júrgizýi Qazaqstannyń búginde «Doing Business» álemdik reıtıngindegi elderdiń TOP-30-dyǵyna enýiniń nátıjesi bolyp tabylady.
