- Prezıdent Ákimshiliginiń kelisimimen jáne oblys ákiminiń ókimimen Nurlan Baqtybaıuly Taýbaev oblys ákiminiń jańa orynbasary bolyp taǵaıyndaldy, - dedi Nurlan Noǵaev.
Buǵan deıin bul qyzmetti atqarǵan Súıinshalıev Jasulan Asqaruly osy laýazymnan bergen ótinishine sáıkes óz erkimen bosatyldy.
- Men Jasulan Asqarulyna osy qyzmette atqarǵan jemisti jáne belsendi jumysy úshin alǵysymdy bildiremin. Sizdiń jumysyńyzdyń barysynda oblysta kóptegen jobalar júzege asyryldy. Qurylys jáne TKSh salasy jańa serpin aldy. Sizge aldaǵy ýaqytta da jańa jumys salasynda óz isine adal bolýǵa jáne óz qyzmetin kásibı júzege asyrýǵa tilektespin, - dedi Nurlan Noǵaev.
Ákimniń orynbasary bolyp taǵaıyndalǵan Nurlan Taýbaevtyń turǵyn úı-kommýnaldyq, avtomobıl, qurylys sektoryna jetekshilik etýge múmkindik beretin úlken jumys tájirıbesi bar.
- Men Nurlan Baqtybaıulynyń tájirıbesi men bilimi qoıylǵan mindetterdi júzege asyrý úshin paıdaly bolatynyna senimdimin. Onyń úsh joǵary bilimi bar. Eńbek qyzmetiniń basynda bıznes salasynda jumys istedi. QR Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń Atyraý oblysy boıynsha departamentinde ártúrli laýazymdarda qyzmet atqardy. 2015 jyly osy departamentti basqardy. 2018 jyldyń basynan osy kúnge deıin Atyraý qalasy ákiminiń orynbasary qyzmetin atqardy. Bul óńir úshin qajetti jobalardy damytýǵa baǵyttalǵan mindetterdi iske asyrý úshin onyń bilimi jetkilikti ekenin kórsetedi, - dep atap ótti Nurlan Noǵaev.
Nurlan Taýbaev 1976 jyly Atyraý qalasynda dúnıege kelgen. Atyraý Munaı jáne gaz ınstıtýtyn, Qazaqstan ekonomıka jáne quqyq ınstıtýtyn, H. Dosmuhamedov atyndaǵy Atyraý ýnıversıtetin taý – ken ınjeneri, zańger, ekonomıst-menedjer mamandyǵy boıynsha bitirgen.
Eńbek jolyn 1995 jyly "Ekspress-Iýg" JShS dırektorynyń orynbasary bolyp bastaǵan, 1998-2000 jyldary "Densaýlyq" JShS jáne "Islam" JShS dırektory bolyp jumys istegen.
2000-2006 jyldary Atyraý qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń basshysy, 2006-2008 jyldary Básekelestikti qorǵaý komıteti Atyraý oblysynyń monopolııalardy retteý basqarmasynyń basshysy qyzmetterin atqardy.
2008-2012 jyldary QR Básekelestikti qorǵaý agenttiginiń (monopolııaǵa qarsy agenttik) Atyraý jáne Mańǵystaý oblystary boıynsha óńiraralyq ınspeksııasynyń bastyǵy, al 2012-2014 jyldary Atyraý oblysy boıynsha Monopolııaǵa qarsy ınspeksııanyń basshysy boldy.
2014-2015 jyldary QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń Strategııalyq taldaý basqarmasynyń bas sarapshysy bolyp jumys istedi.
2015-2017 jyldary QR Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıtetiniń Atyraý oblysy boıynsha departamentiniń basshysy qyzmetin atqardy.
2017 jyldan 2018 jylǵy 15 aqpanǵa deıin QR Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń Atyraý oblysy boıynsha departamentiniń basshysy boldy.
2018 jyldyń 15 aqpanynan búgingi kúnge deıin Atyraý qalasy ákiminiń orynbasary.
