Baıqaýdy Bilim jáne ǵylym mınıstrligi janyndaǵy «Bolon prosesi jáne akademııalyq utqyrlyq ortalyǵy» uıymdastyrdy. Ortalyq málimetinshe, bul kúnderi «Serpin» áleýmettik jobasy boıynsha elimizdiń 9 oblysyndaǵy 26 joǵary oqý orny men 33 tehnıkalyq jáne kásiptik bilim berý kolledjinde 16 myńǵa jýyq stýdent bilim alýda. Byltyr alǵashqy túlekteri dıplom alyp, olardyń 60 paıyzy sol bilim alǵan óńirlerinde jumysqa ornalasqan.
- Al, «Meni shyńdaǵan «Serpin» atty respýblıkalyq kásibı sheberlik baıqaýy úshinshi ret ótkizilýde. Byltyr Soltústik Qazaqstan oblysynda ótti. Baıqaýǵa joǵary oqý oryndar men kolledjderdiń 3-shi, 4-shi kýrs stýdentteri qatysty. Maqsat – óz salasynyń úzdikterin anyqtaý. Baıqaý sońynda qatysýshylar ártúrli óndiristik kásiporyndarǵa jumysqa joldama alýyna múmkindik te bar. Baıqaýǵa óńirdegi kásiporyn ókilderi de shaqyryldy,- deıdi ortalyq tóraǵasynyń orynbasary Aıdos Muqataev.
Baıqaýǵa Pavlodar, Shyǵys Qazaqstan, Batys Qazaqstan, Soltústik Qazaqstan, Aqmola jáne Qaraǵandy oblystarynan tehnıkalyq jáne kásiptik bilim beretin kolledjderden 27 stýdent qatysty.
Baıqaýdyń sharty boıynsha stýdentter birinshi kezeńde ózderiniń bilim deńgeılerin kórsetse, ekinshi kezeńde kolledjderde tájirıbelik synaqtan ótti.
Birinshi teorııalyq kezeń S.Toraıǵyrov atyndaǵy memlekettik ýnıversıtetiniń májilis zalynda boldy. Ekinshi kezeńi, ıaǵnı, praktıkalyq tájirıbe alańy agrarlyq-tehnıkalyq, bıznes, tehnologııalyq kolledjderinde, Aqtoǵaı aýdandyq agrarlyq kolledjinde jáne «Jańa qala» sharýa qojalyǵynda ótti.
Stýdentter tamaq ázirleý, mal sharýashylyǵy ónimderin óndirý, aýyl sharýashylyǵyn mehanıkalandyrý, esepteý tehnıkasy jáne baǵdarlamalyq qamtamasyz etý, tamaqtandyrý kásiporyndary ónimderiniń tehnologııasy jáne óndiristi uıymdastyrý» «Ekologııa jáne tabıǵatty qorǵaý qyzmeti» Veterınarııa» Aýyl sharýashylyǵyn mehanıkalandyrý» sııaqty salalaryndaǵy alǵan bilimderin naqty jobalary arqyly kórsete bildi.
Baıqaý qorytyndysynda «Ekologııa jáne tabıǵatty qorǵaý qyzmeti» salasy boıynsha Pavlodar tehnologııalyq kolledjiniń stýdentteri Ásem Dildábekova 1-shi oryn, 2-shi oryn Býrabaı aýdany, «Ekologııa jáne orman sharýashylyǵy» kolledjiniń Balnur Baltabaı Balnurǵa berildi.
«Esepteý tehnıkasy jáne baǵdarlamalyq qamtamasyz etý» salasy boıynsha 1-shi oryn Zerendi aýdany, Shaǵalaly agrobıznes kolledjiniń stýdenti Jasulan Jansultanovqa, 2-shi oryn Pavlodar bıznes kolledjiniń stýdenti Sheri Aıajanǵa, 3-shi oryn Batys Qazaqstan ınjenerlik-tehnologııalyq kolledjiniń stýdenti Aqbota Tastybaıǵa berildi.
Mysaly, osy kolledjderde bilim alatyn stýdentter baıqaýda jaqsy nátıje kórsetip, «Veterınarııa» salasy boıynsha 1-shy oryndy Pavlodar aýdany agrarlyq-tehnıkalyq kolledjiniń stýdenti Shyńǵys Ahmetov, II oryndy Shyǵys Qazaqstan aýylsharýashylyq kolledjiniń stýdenti Bekbolat Tórebekov Bekbolat, III oryndy– Esil aýylsharýashylyq kolledjiniń stýdenti Sulýhan Sultan, «Aýylsharýashylyǵyn mehanıkalandyrý» salasy boıynsha I oryndy Pavlodar aýdany agrarlyq-tehnıkalyq kolledjiniń stýdenti Nurken Ospanov, II oryndy Esil aýylsharýashylyq kolledjiniń stýdenti Ýyzbaı Dastan, III oryn Pavlodar aýdany agrarlyq-tehnıkalyq kolledjiniń stýdenti Tastanbek Meıirhan ıelendi.
- Alǵashqy 2014 jyly 50 bala ǵana keldi. Alǵashqy kelgenderdiń qadamdary sátti bolyp, 2015 jyly 175 stýdent oqýǵa tússe, 2016 jyly 185, 2017 jyly 200 balany qabyldadyq. Iаǵnı, Ońtústik Qazaqstan oblysynan 258, Qyzylordadan 209, Jambyldan 32, Almaty oblysynan 4, Mańǵystaý oblysynan 2 jas keldi. Byltyr «Serpinmen» kelgen jastardyń alǵashqy legi oqý bitirip, 65 túlek qoldaryna dıplom aldy, - deıdi oblystyq bilim basqarmasynyń mamandary.
Baıqaýda bul salada ózderin kórsete bilgen stýdentter «Tamaqtandyrý kásiporyndary ónimderiniń tehnologııasy jáne óndiristi uıymdastyrý» salasynda I-shi oryndy Baqytjan Arystan, II-oryndy Amanqos Mıras Pavlodar tehnologııalyq kolledjiniń stýdentteri, III- oryndy Petropavl qurylys–ekonomıkalyq kolledjiniń stýdenti Polat Kúlásh ıelendi.
Al, kolledjderden basqa joǵarǵy oqý oryndaryna túskenderdiń qatary budan eki-úsh esege artyq. Oblystyq jastar saıasatyn damytý jónindegi basqarmasy janyndaǵy «Jastar bastamalaryn damytý ortalyǵynyń» málimetinshe, byltyr S.Toraıǵyrov atyndaǵy memlekettik ýnıversıtette, Evrazııalyq Innovasııalyq ýnıversıtet, jáne pedagogıkalyq ýnıversıtetke ońtústik óńirlerden 400-deı stýdent kelip túsken.
Elbasy usynǵan «Serpin-2050» baǵdarlamasy 2014 jyldan beri júzege asýda. Osy jyldar aralyǵynda oblysqa ońtústikten 1324 stýdent bilim alýǵa kelipti. Kásiptik jáne tehnıkalyq bilim berý kolledjderine tórt jylda 610 stýdent qabyldanǵan. Bul kúnderi elimizdiń ár óńirinen kelgen stýdentter «Serpin» baǵdarlamasy arqyly eńbek naryǵyndaǵy suranysqa ıe mamandyqtarǵa daıarlanýda. Iаǵnı, stýdent jastar óndiristik-tehnıkalyq, kásiptik salalarǵa qaraı beıimdelýde.
Farıda BYQAI
«Egemen Qazaqstan»
PAVLODAR
Sýretti túsirgen: Rýfına Torpısheva
