Olar aýylsharýashylyǵy ónimderi men azyq-túlik , taǵam ónimderin qoıdy. «Zlak+ M» atty rýdnyılyq kompanııa 1999 jyldan beri makaron buıymdaryn shyǵarady. Olardyń Qazaqstannyń oblystaryna jáne Qyrǵyzstanǵa tanymal ónimi endi Reseı naryǵyna da jetti.
«Bizdiń ónimimiz halal, ol tutynýshylardyń qyzyǵýshylyǵyn arttyryp keledi. Kórme jaqsy uıymdastyrylǵan eken, biraq báseke bolatyn makaron óndirýshilerdi onsha kórmedik, degenmen kórme alańy qashan da paıdaly. Birneshe kompanııamen kezdestik, olar bizdiń ónimge jaqsy baǵa berdi. Qalalyqtar bizdiń kórmege qoıýǵa aparǵan ónimimizdi satýdy jıi surap kelip jatty. Qazaqstannan kelgen taýarlardyń barlyǵyn da suraýshylar kóp boldy», dedi kompanııanyń saýda menedjeri Petr Shaýlskıı.
Tipti kórme bastalmaı jatyp-aq, chelıablikter qazaqstandyq taýarlardy satyp alýǵa kezekke turǵan. Qostanaı qalasyndaǵy «DEP» sút zaýyty Chelıabi naryǵynda kóp jyldardan beri belgili. Zaýyttyń ókili Vadım Iаmaletdınovtyń aıtýynsha, fırma ónimin eki kúndik kórmege birneshe ret tasýǵa májbúr bolǵan.
«Chelıabi naryǵynda jergilikti taýar óndirýshilerdiń ónimi qymbat, biraq bizdiń ónimniń sapasy olardykinen esh kem emes. Biz kórmede sútti óndirýshi baǵasymen sattyq, bul satyp alýshylarǵa óte unaıtyny sózsiz. Eń bastysy alýshylar bizdiń ónimniń tabıǵılyǵyna, súttiń untaq emes, naǵyz tabıǵı sút ekenine kózi jetti. Kóptegen adamdar «sizderdiń ónimdi oblysta qalaı tabýǵa bolady?» degen suraqtar qoıdy. «DEP» qazir búkil Chelıabi oblysynyń naryǵyn qamtý úshin barynsha jumys jasap jatyr, sosyn biz Ekaterınbýrgke shyǵamyz», deıdi Vadım Iаmaletdınov.
Názıra Járimbet,
«Egemen Qazaqstan»
Qostanaı
