«Rýmynııa – Qazaqstan» ekijaqty saýda-ónerkásip palatasy jáne Qazaqstan Respýblıkasynyń Rýmynııadaǵy Qurmetti konsýldyǵy Prezıdent N.Á.Nazarbaevtyń 2018 jylǵy 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýymen zor yqylaspen tanysty.
Aıta ketý kerek, Qazaqstan táýelsizdikke qol jetkizgen sátten bastap Prezıdent N.Nazarbaev eldiń saıası, ekonomıkalyq jáne áleýmettik damýyna basa nazar aýdaryp keledi. Bul baǵyttaǵy jumystar endi Prezıdenttiń jańa Joldaýy aıasynda jalǵasyn tappaq.
Prezıdenttiń bıylǵy Joldaýy buǵan deıin jarııalanǵan barlyq strategııalyq qujattarmen, sondaı-aq «Qazaqstan-2050» strategııalyq damý baǵdarlamasymen úılesim tapqan.
Biz búkil qazaqstandyqtardy Qazaqstan Respýblıkasy halqynyń ál-aýqatyn jaqsartýǵa arnalǵan jańa kezeńniń bastalýymen shyn júrekten quttyqtaımyz. Sonymen qatar Qazaqstan men Rýmynııa arasynda qalyptasqan úılesimdi áriptestik qatynastardy damytý úshin odan ári yntymaqtastyqqa daıyn ekendigimizdi jetkizgimiz keledi.
Petrý LIFIChIÝ,
«Rýmynııa – Qazaqstan» ekijaqty saýda-ónerkásip palatasynyń prezıdenti, Qazaqstannyń Qurmetti konsýly
Nıkolae GENChÝLESKÝ,
«Rýmynııa – Qazaqstan» ekijaqty saýda-ónerkásip palatasynyń vıse-prezıdenti
