Bıylǵy kınofestıvalge belgili rejısser, ssenarıst, pedagog Iraklıı Kvırıkadze tóraǵalyq jasaıdy. Qazylar alqasynyń quramynda Sılvan Kýtandın («Staınge hat»), reseılik aktrısa Elvıra Bolgova («Meniń armıandyq úılený toıym», «О́geı qyzy»), qyrǵyz rejısseri Temirbek Birnazaraov jáne qazaqstandyq Sábıt Qurmanbekov bar. Negizgi qazylar quramymen birge «Bastaýda» jyldaǵy dástúrge saı jas kınematografıst-stýdentterden quralǵan qazylar alqasy da jumys isteıdi. Bıylǵy stýdenttik qazylar tobynda Ispanııa, Belorýsııa, Qazaqstan, Qyrǵyzstan, Reseıden kelgen stýdentter bar. Osydan eki jyl buryn ǵana «Bastaýdyń» jeńimpazy bolǵan ıspanııalyq rejısser Iаgo Mateo Velasko bıyl endi talantty stýdentterdiń týyndylaryna baǵa beretin qazylar quramynyń tóraǵasy bolyp kelip otyr. «Álemde kınofestıvaldar óte kóp, biraq «Bastaý» – shynynda da sátti, jaqsy bastaýǵa jol ashatyn festıval. Festıvaldiń halyqaralyq dárejede bolǵany stýdentter úshin tıimdi, biz munda bolashaqta kınematografty ne kútetinin azdap bolsa da ishteı túısinip ketemiz. Árıne, «Oskar» bar, Kann kınofestıvali bar, biraq oǵan birden barý múmkin emes, sondyqtan úlken báıgelerge alyp baratyn «Bastaý» sekildi baspaldaqtyń bolǵany jaqsy. Eń bastysy, saýattylyq, dúnıege jańa kózqaras, biz belgisiz, jas daryn ıelerine úlken festıvalder álemine joldama berip, jol ashqymyz keledi, – deıdi Iаgo Mateo Velasko.
Festıvaldiń qurmetti qonaqtary retinde Korea university of media arts kınoóndirisi fakýltetiniń dekany Kım En Dý, «Mosfılmniń» dybys rejısseri Marına Nıgmatýllına jáne kınooperator, Ýkraınadaǵy Karpenko-Karogo atyndaǵy ýnıversıtettiń oqytýshysy Evgenıı Fılıppovter shaqyryldy. Qazylar alqasy men festıval qonaqtary Almatynyń kınematografııa mamandyǵy boıynsha bilim alyp jatqan stýdentterimen, kıno mamandarymen shyǵarmashylyq kezdesýler jáne sheberlik saǵattaryn ótikizedi. Festıvaldiń barlyq sharalary, sheberlik saǵattary T.Júrgenov atyndaǵy Ulttyq óner akademııasy men «Turan» ýnıversıtetinde ótedi.
«Jastar úshin halyqaralyq kınofestıvaldiń alańy mańyzdy. Stýdent alǵashqy jumysynan-aq báseke degenniń ne ekenin, kýrstastarynyń ne túsirgenin ǵana emes, ózge elderdegi qurdastarynyń da qalaı izdenetinin kórýi kerek. Fılmniń festıvalge qatysýy bólek te, fılmdi jasaýshylarmen aralasý, oı-pikir almasýdyń mańyzy tipti basqa. «Bastaý» – shyǵarmashylyq qarym-qatynas ornatýǵa asa qajet qadam. Kúrdeli jaıttarǵa, úlken kınematografııaǵa qadam jasaýdyń qıyndyǵyna qaramastan kıno damyp keledi. Kınofestıvalder de dál osy maqsat úshin asa qajet. Kıno – ujymdyq jumys, halyqaralyq kınotili ámbebap, biz onyń damýy úshin óz úlesimizdi qosamyz. Munda kınony tek tamashalaı salmaımyz, qalaı jasalatynyn úırenemiz» deıdi festıval prezıdenti Sergeı Ázimov. Uıymdastyrýshylardyń aıtýynsha, keńestik kezeńde tusaýy kesilgen stýdenttik fılmder festıvali táýelsizdik kezeńinde da jalǵasyn taýyp, bıyl 7-ret ótkizilip otyr. Qıyndyqtarǵa qaramastan kınoqaýymdastyqtyń qyzyǵýshylyǵyn oıata alǵan soń da kınofestıval ómir súrip keledi.
Aıgúl AHANBAIQYZY,
«Egemen Qazaqstan»
ALMATY
