Talantty qyzdyń halyqaralyq bilim jarysyna daıyndalýyna ustazdary Andreı Lısovskıı men Galına Lısovskaıa jetekshilik jasady. Bıyl WorldSkills Hi-Tech chempıonatyna Reseıdiń óziniń barlyq shalǵaıynan jáne 9 elden 597 úmitker qatysty. Oǵan Reseıden jáne basqa elderden 450 sarapshylar keldi. Reseıdiń óndiristi Ekaterınbýrg qalasyndaǵy «Ekaterınbýrg-Ekspo» halyqaralyq kórme ortalyǵynda úsh kún boıy ótken baıqaýda 40 quzyret boıynsha 36 komanda baq synasty. Onda negizinen mashına jasaý isine mańyz berildi.
«Bizdiń oqýshylar bul jarysqa buryn da qatysqan edi. Onda úshinshi oryn alǵan bolatyn, Bıyl ekinshi oryndy ıelendik. Baıqaýda robot tehnıkasy, mashına jasaý jáne basqa da atalymdar bar. Biz «Injenerlik dızaın» baǵytyn tańdadyq. Nastıa 4 jyldan beri mashına jasaý isin júrgizetin qosymsha sabaqqa qatysyp keledi» deıdi muǵalimi Andreı Lısakovskıı. Ádette, mashına jasaý, qurastyrý, robot tehnıkalaryna er balalardyń yntasy mol bolady. Al gımnazııada Anastasııa osy baǵytty tańdady. Muǵalimderi onyń daryndylyǵyn baıqaıdy.
Názıra Járimbet,
«Egemen Qazaqstan»
Qostanaı
