Kesh shymyldyǵyn departament basshysy Nurgúl Jannazarova ashty. Onyń aıtýynsha, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti «Bolashaqqa baǵdar – Rýhanı jańǵyrý» baǵdarlamasynyń «О́zgeristerdi ózińnen basta» kishi baǵdarlamasyn óńirimizde júzege asyrylýyn úılestiretin organ bolyp tabylady.
Onyń maqsaty - Memlekettik organdardyń uıymdastyrýshylyq mádenıetin jetildirý jáne 2030 jylǵa deıin memlekettik qyzmetshilerdiń minez-qulqynyń modelin ózgertý.
Kezdesýde sybaılas jemqorlyqpen kúres, adaldyq, mádenıetti qalyptastyrý, úlkenge qurmet, kishige izet bildirý, memlekettik qyzmetshilerdiń tártibi, qazaq ádebıetiniń damýy, bilim salasyndaǵy reformalar jáne t.b. máseleler sóz boldy.
-Meniń oıymsha kez-kelgen memlekettik qyzmetshi aldymen memleket múddesin bıik qoısa, kózdegen maqsatyna jetedi. Eń bastysy ary taza bolsa, eńsesin kóterip júre alady. Ras, búginde memlekettik qyzmetshilerdiń túrli synǵa ushyraıtyny týraly jıi estımiz. Biraq barlyǵyna birdeı kúıe jaǵýǵa bolmaıdy, óz isine adal qyzmetkerler de bar. Eń bastysy adal qyzmet etip, týyndaǵan suraqtar boıynsha ádil sheshim shyǵaryp, adamgershilik qasıet memlekettik qyzmetshiniń boıynan tabylýyn tileımin, dedi aqyn.
Aqynmen bolǵan kezdesýden memlekettik qyzmetshiler úlken áser alǵandyǵy sózsiz. Kórermenderdiń qonaqkáde bolsyn degen ótinishin jerge tastamaǵan Dáýletkereı Kápuly dombyrasyn qolyna alyp, jyrdan shashý shashty.
Kezdesýge kelgender aıtysker aqynǵa suraqtar qoıyp, shyǵarmashylyǵyna, jeke ómirine qatysty maǵlumattarmen qanyǵyp, sybaılas jemqorlyqqa qatysty kózqarasyn bildi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
