ASTANA: Jańa maýsymǵa – jańa serpilis

«Astana» veloklýby úshin ótken maýsym sátsizdeý aıaq­tal­dy. Muny komanda basshylyǵy da moıyndap otyr. «Djıro de Italııa» kópkúndiginiń komanda­lyq esebinde top jardy deme­seńiz, «Astana» alysqa shaba almady. «Astanany» qashanda bı­ik­ten kórýge daǵdylanǵan jan­kúıer kóńili qońyltaqsyp qal­dy. Shabandozdardyń baby ke­lis­kenimen, baǵy shappaǵan sát edi bul. Jyǵylǵanǵa judyryq, Aleksandr Vınokýrovtyń «Týr de Franstaǵy» jaraqaty da komandaǵa úlken soqqy boldy. Degenmen, bolary boldy, boıaýy sińdi. О́tken maýsymnan qaıyr bolmady dep qaıǵyrýǵa bolmas. «Astana» áli sporttyq arenada. Bedel, múmkindik bar. Endeshe, jańa ǵana shymyldyǵyn túrgen 2012 jylǵy maýsymnan jeńis kútsek, artyq emes.

«Astana» veloklýby úshin ótken maýsym sátsizdeý aıaq­tal­dy. Muny komanda basshylyǵy da moıyndap otyr. «Djıro de Italııa» kópkúndiginiń komanda­lyq esebinde top jardy deme­seńiz, «Astana» alysqa shaba almady. «Astanany» qashanda bı­ik­ten kórýge daǵdylanǵan jan­kúıer kóńili qońyltaqsyp qal­dy. Shabandozdardyń baby ke­lis­kenimen, baǵy shappaǵan sát edi bul. Jyǵylǵanǵa judyryq, Aleksandr Vınokýrovtyń «Týr de Franstaǵy» jaraqaty da komandaǵa úlken soqqy boldy. Degenmen, bolary boldy, boıaýy sińdi. О́tken maýsymnan qaıyr bolmady dep qaıǵyrýǵa bolmas. «Astana» áli sporttyq arenada. Bedel, múmkindik bar. Endeshe, jańa ǵana shymyldyǵyn túrgen 2012 jylǵy maýsymnan jeńis kútsek, artyq emes.

«Astana» jyl saıyn maý­­­­sym­ashar toıyn jasaýdy ádetke aınaldyrǵan. Bul – jankúıer­den bata alyp, dastarqan jaıyp, komandanyń quramyn tanystyrar jıyn. «Astananyń» maý­sym­dyq tusaýkeser toıy osyǵan deıin ózimizdiń elordada, Monakoda, Venada ótken. Osy joly komanda basshylyǵy maýsym­ashar jıyndy Ispanııanyń Kalpe qalasynda ótkizýdi uıǵaryp­ty. Kalpege arnaıy túsirilim jasaýǵa, komandanyń jańa tynysyn jazýǵa shetten aǵylyp biraz jýrnalıst kelgen. «Asta­nanyń» qoldaýymen Qazaqstan­nan da birneshe tilshi Ispanııaǵa jol tarttyq. Saparymyz barysynda «Astananyń» jańa qura­mymen tanysyp, bıylǵy maý­sym­ǵa josparyn bildik. Endi bar­lyǵyn ret-retimen baıanda­lyq.

Jańa maýsym jáne jeńiske degen úmit
Maýsymashar jıynda ko­man­danyń jańa quramy tanystyryldy. 2012 jylǵy dodalarda klýb namysyn 28 shabandoz qor­ǵaıdy. Onyń toǵyzy «Astana­nyń» kók jeıdesin alǵash kıgender. Komandaǵa jańa qosyl­ǵan­dardyń ishindegi tanymaldylary qos slovenııalyq – Iаnes Braıkovıch pen Borýt Bozıch. 28 jastaǵy Iаnes «Grýzııa týry­nyń» jeńimpazy, «Germanııa tý­rynyń» ekinshi, «Djıro D Lombardııa» báıgesiniń úshinshi oryn ıegeri. Al orda buzar otyzdaǵy Bozıchtiń de qorjyny bos emes. «Výelta Kýba», «Serbııa týry», «Slovenııa týry» syndy dodalardy utqan. Mine, osy qos jigit bıyl komandanyń negizgi kúsh­teriniń biri bolmaq.
Buǵan qosa, «Astana» sapynda ózimizdiń Aleksandr Vınokýrov, Andreı Kashechkın, Asan Bazaev, Maksım Iglınskıı bar. Bul tizimge júırik Enrıko Gas­parotto (Italııa), Roman Kroı­sıgerdi (Chehııa) qosyńyz. Osy myqtylarmen «Astana» bıyl kez kelgen shyńdy baǵyndyrýǵa qaýqarly kórinedi.
Sonymen, tanys bolyńyz «As­tananyń» ja­ńa jarys jylyna usynǵan komanda quramy: Aleksandr Vınokýrov, Asan Bazaev, Aleksandr Dıachenko, Dmıtrıı Fofonov, Dmıtrıı Grýzdev, Mak­sım Iglınskıı, Valentın Iglınskıı, Andreı Kashechkın, Sergeı Renev, Evgenıı Nepomnıashıı, Andreı Zeıs, Dmıtrıı Mýravev (bári – Qazaqstannan), Enrıko Gasparotto, Franchesko Gavassı, Djakopo Gýarnerı, Franchesko Masharellı, Sımone Ponsı, Paolo Tıralongo (bári – Italııadan), Andreı Grıvko (Ýkra­ına), Tanel Kangert (Estonııa), Fredrık Kessıakoff (Shve­­­sııa), Robert Kıserlovskı (Horvatııa), Roman Kroısıger (Chehııa), Evgenıı Petrov, Egor Sılın (ekeýi de – Reseı ), Kevın Zeeldreıers (Belgııa), Iаnes Braıkovıch, Borýt Bozıch (ekeýi de – Slovenııadan).
Al komandany alǵa súıreı­tin, shabandozdarǵa jol silter komanda ákimshiliginiń bıylǵy quramyna da bilikti mamandar enip otyr. Bas menedjer ıtalııa­lyq Djýzeppe Martınellı, al sporttyq dırektorlar quramy mynadaı: Aleksandr Shefer (Qa­zaqstan), Dmıtrıı Sedýn (Qazaq­stan), Gvıdo Bontempı (Italııa), Gorazd Stangelı (Slovenııa).

Aleksandr Vınokýrov: «Jankúıer úmitin aqtaý – paryz»
Aleksandr Vınokýrov bıyl sporttyq ǵumyryna núkte qoı­maq. Vıno Londondy kózdep otyr. Sıdneıdegi jeńisti qaı­ta­lasam deıdi. Nesi bar, batyr qashanda alysqa kóz tastaıdy emes pe? Taqııamyzǵa qandaı júl­de bolmasyn, tar kelmes. Qazaq velo­sportynyń jaryq juldyzyn áńgimege tarttyq. Vınokýrov «Ar­man oryndalý kerek. «Astana» úshin ótken maýsymdaǵy sát­sizdiktiń ornyn toltyrar sát jet­ti. Bizdegi maqsat «Djıro de Italııa» men «Výelta». Osy eki grand týrda oza shaýyp, báıge alsaq degen jospar bar. Jaraqat janymyzǵa jolamasa bıylǵy quramnyń shabysy myqty. Kez kelgen dodaǵa favorıt retinde attanamyz. Bizden jeńis kúter jankúıer úmitin aqtaý paryz» dep qysqa qaıyrdy. Al koman­danyń bas menedjeri Djýzeppe Martınellıdiń jospary joı­qyn. «Astanany» pushpaqqa shy­ǵarsam dep jantalasyp júr. Klýbtyń sporttyq dırektorlary da jańa maýsymnan kóp jeńis kútip otyr.
– Bıyl komandanyń quramy­na birneshe myqty sportshylar aldyq. «Týr de Fransta» top jarý qıynǵa soǵar. Biraq «Výelta» men «Djıro D Italııadan» qur qaıtpaspyz. Basqa da báıgelerde júlde alý josparda bar. Jyldyń basty dodasy – London olımpıadasy. Qazir qal­tada eki joldama bar. Biri Vı­nokýrovtyń enshisinde. Vınodan júlde dámetemiz. Sátin salsa, Qazaqstan velosportynyń aıy ońynan týar. Sebebi, bizde qar­jy, myqty maman, júırik sha­ban­dozdyń bári bar. Endi keregi jaqsy nátıje ǵana, – dep aǵy­nan jaryldy komanda dırektory Aleksandr Shefer.

«Astana-2» –  Qazaq velosportynyń bolashaǵy
О́tken jyly elimizde jas sha­bandozdardy shyńdaıtyn «As­ta­na-2» komandasy qurylǵany bel­gili. Búginde bul komanda Ekvador elinde jattyǵýda. Qura­mynda Qazaqstan velosporty­nyń erteńi sanalatyn jastar tárbıelenýde. Olar erteńgi kúni bas «Astananyń» quramyn to­lyq­tyrar kadr. Qazaqstannyń namysyn qurlyqtyq syndarda qorǵaıtyn komandanyń alǵa qoı­ǵan maqsaty aıqyn. Japonııa, Qytaı, Iran týrlarynda top jarsaq dep otyr. Sondaı-aq, «Ulttar kýbogynda» táýir nátı­je kórsetý negizgi mindet. Qýa­nyshtysy sol, «Astana-2» sa­pyndaǵy barlyq sportshylar qazaqstandyq. О́z keleshegimizdi daıyndap jatqan jaıymyz bar. Tipti bolashaq Vınokýrov, Kontadorlar osy jerden shyqpa­sy­na kim kepil. «Astana-2» naǵyz shabandozdar ustahanasy bolsa, qane! Kúteıik, ıgi is óz jemisin berer ýaqyt alys emes. Maqsat Aıazbaev – qazaq velosportynyń bolashaǵy.
Búginde «Astana-2» komanda­sy­nyń sapynda júrgen qazaq ulany Maqsat Aıazbaevtan mamandar úlken úmit kútip otyr. Kóbi Maqsatty Vınokýrovtyń izin basýǵa negizgi úmitker sanaıdy. Vınokýrovtyń ózi de Maq­sattyń jolyna úlken úmitpen qaraıdy. Taldyqorǵan mańyn­da­­ǵy aýyldan shyqqan Maqsat «Týr de Fransta» top jaryp jatsa nur ústine nur emes pe? «Koreıa týrynda» top jaryp, Italııa joldarynan júlde tergen Aıazbaev qazir bar Alashtyń úmiti.

TÚIIN. «Astana» bıylǵy maýsymǵa daıyndyǵyn pysyqtap jatyr. Qazir Ispanııanyń taýly shat­qal­darynda jattyǵýda. Endi aqpannyń ortasynda komanda Malaızııaǵa jol tartady. Azııa chempıonaty men «Malaı týryna»… Bul syndarǵa bizdiń veloshabandozdar jeńiske basty úmitker retinde attanbaq. Endeshe, iske sát!

Rýslan ORMANBEKULY,  arnaıy «Egemen Qazaqstan» úshin – Kalpeden (Ispanııa).