Osy jarystyń qorytyndysy boıynsha Qazaqstan quramasy qarsylastar qaqpasyna eń kóp soqqy baǵyttaǵan komandalar arasynda úzdik bestiktiń qatarynan kórindi. Jerlesterimiz nysanany 107 márte kózdegen eken. Árıne, bul – jaqsy kórsetkish. Biraq tepken doptarymyzdyń deni qısyq ketkenin moıyndaýǵa tıispiz. Sonyń saldarynan biz alǵa qoıǵan maqsatqa qol jetkize almaı, óz tobymyzda ekinshi orynda qalyp qoıdyq.
Bul kóshti – Armenııa quramasy bastap tur. Qap taýynyń ókilderi qarsy jaqtyń qaqpasyna 133 soqqy baǵyttaǵan eken. Odan keıingi oryndarda Belarýs (113 soqqy) jáne Moldova men Lıýksembýrg (1008 soqqy) komandalary.
Jekelegen oıynshylar arasynda Rıchard Almeıda osy jarys barysynda eń kóp pas beripti. Bul kúnderi Ázirbaıjan quramasy sapynda óner kórsetip júrgen «Astana» klýbynyń jartylaı qorǵaýshysy óz áriptesterine bergen pasynyń 454-i dál jetken eken. Odan keıingi satylarǵa moldovalyq Aleksandr Epýrıaný (444 pas), grýzııalyq Nıka Kvekveskırı (437 pas), ıspanııalyq Serhıo Ramos (433 pas) jáne ázirbaıjandjyq Gara Garaev (427 pas) jaıǵasty. Osy oraıda, Grýzııanyń oıynshysy Kvekveskırıdiń qazirgi kezde Qostanaıdyń «Tobyl» klýbynyń namysyn qorǵap júrgenin aıta ketýge tıispiz.
Ǵalym SÚLEIMEN,
«Egemen Qazaqstan»
