Aq halattylardyń kómegine júgingen 200-ge jýyq qala halqynyń 169-y kishi laborotorııalyq tekserýden ótti. Qalalyq densaýlyq saqtaý basqarmasynyń Biz salamatty ómir salty úshin uranymen uıymdastyrǵan aksııasynda Shymkent joǵary medısına kolledjiniń stýdentteri ártúrli jaǵdaılarda alǵashqy medısınalyq kómek kórsetý boıynsha sheberlik sabaǵyn ótkizdi. Bolashaq dárigerler júrek-ókpe reanımasııasyn durys júrgizýge úıretip, zardap shegýshilerge qandaı kómek berý kerektigin kórsetti.
Sondaı-aq atalǵan aksııa barysynda qala turǵyndaryna tegin kepildendirilgen mindetti áleýmettik medısınalyq saqtandyrý boıynsha kórsetiletin medısınalyq kómektiń túrleri jáne medısınalyq saqtandyrýdy endirýdiń mańyzdylyǵy týraly «Mindetti áleýmettik medısınalyq saqtandyrý» qorynyń ókilderi túsindirý jumystaryn júrgizdi.
«Árbir adamnyń nazaryn salamatty ómir saltyn ustanýdy qalyptastyrýǵa, halyqty óz densaýlyǵyn saqtaýǵa shaqyrǵan shara aldaǵy ýaqytta da jalǵasyn tabady», deıdi sala mamandary.
Nurshat TО́KEN,
«Egemen Qazaqstan»
ShYMKENT
