«Birtýar ǵalym, arheolog, tarıh ǵylymdarynyń doktory, QR ǴA akademıgi, QR ǵylymy men tehnıkanyń eńbek sińirgen qaıratkeri Karl Moldahmetuly Baıpaqovtyń ómirden ótkenin qaıǵyra habarlaımyn. Onyń búkil ómiri - halyqqa qalaı qyzmet etýdiń jarqyn úlgisi. Karl Moldahmetuly - tarıh, Otanymyzdyń mádenıeti men arheologııasy týraly tanymymyzdy baıytqan kisi. Jýyrda ǵana biz arheologııalyq ortalyqtardy zertteý boıynsha iri josparlardy birge talqylaǵan edik. Karekeńniń isin jalǵastyrý kerek dep esepteımin», dep habarlady Mádenıet jáne sport mınıstri Arystanbek Muhamedıuly Feısbýktegi paraqshasynda.
Mınıstr tarıhshynyń ómirden ótkenin aýyr qabyldaǵanyn, el úshin orny tolmas qaza bolǵanyn jaza otyryp, ǵalymnyń týǵan-týystaryna kóńil aıtty.
