Sýretti túsirgen: Ásem Aıypova
Mysaly, 3D-úlgileý zerthanasy taǵy bir sıfrly bilim berý resýrsymen jumys isteıdi. IT-synypta oqýshylar eýropalyq bilim standartyna saı qarapaıym algorıtmderdiń tizbesin, baǵdarlaý men Web-saıttardy, kompıýter oıyndaryn, anımasııalardy jasaýdy úırenedi.
Jýyrda oblystyq Bilim basqarmasynyń «Aqparattyq tehnologııalar ortalyǵy» ótkizgen baıqaýda Oqýshylar saraıynyń robototehnıka klýbynyń tárbıelenýshileri Nurat Tatenov, Ǵalymjan Ábishev «Lego- daǵy robototehnıka boıynsha jobasy» boıynsha «Shokolad satatyn saýda avtomaty» jobalary jeńiske jetti.
Sonymen qatar, balalar tehnoparktiń Innovasııalyq alańynda tájirıbelik jáne kommersııalyq maqsatta plastık materıaldardan buıymdar jasaıdy. Árbir ata-ana balalaryn 3D modeli úlgimen kompıýterde jasalǵan naqty nysandy qurý úshin úıirmege ákele alady.
Qazir Startap-akademııa, bıznes-ınkýbator tehnoparkinde bızneske áýes oqýshylar kóp.
Al, «Bala-business startap»-jobasynyń maqsaty-kásipkerler men óndiristik sektordyń nazaryn balalar ıdeıasyna aýdarý, ıdeıalar men ázirlemelerdiń yqtımal tapsyrys berýshilermen kezdesýin uıymdastyrý.
IT-synybynda IT-resýrstar, sıfrlyk bilim alý resýrstaryna kóńil bólingen. Bul jerde ozyq oıly, zerek oqýshylar Corel, Photoshop, AutoCAD baǵdarlamalaryn ıgerip, bolashaq mamandyqtaryna jol ashady.
Jańa synyptar «Nur Otan» partııasynyń «Ybyraı» «Qazaqstannyń jas baǵdarlamashylar Lıgasy» qorymen birlesken bastamalyq jobalaryn iske asyrý sheńberinde júzege asyryldy.
Biz kórgenimizdeı, tehnopark zerthanada balalar qurylymdaýmen ǵana shuǵyldanbaıdy, sonymen qosa LEGOEducation, Ardýın, 4WD platformalary, robot-manıpýlıatormen jumys isteıdi eken. О́ndiriste iske asyrylatyn jobalar jasaıdy, dene jumysyn robot júıesimen aýystyrýmen aınalysady.
Tehnoparktiń baǵdarlamalar jınaǵyna beınemontaj zerthanasy kiredi. Saraıdyń jumysy LuchTVna Youtube com telearnasynda kórinis tabady; áleýmettik Baılanys jelisinde jastar aqparattar agenttigi «Skrınshot» jumys isteıdi.
Zerthanada oıyn oınaýǵa, sýretke túsýge, balalardyń sana-sezimin ósirýge barlyq múmkindik jasalǵan.
Jýyrda oqýshylarǵa jańa zaman talabyna saı jańashyldyqqa úıretip, tárbıelep júrgen Oqýshylar saraıy 40 jyldyq mereıtoıyn atap ótti.
Farıda BYQAI,
«Egemen Qazaqstan»
PAVLODAR
