Esepti kezdesýge kelgender jedel basqarý ortalyǵynyń, jyljymaly krımınıstıkalyq zerthananyń jumysymen tanysyp, murajaıdy tamashalady. Brondy mobıldi mashınalar, «Jol prıstavy» kesheni jaıly aqparattyq stendter erekshe nazar aýdardy.
«Ashyq esik kúnine» quqyq qorǵaý organdarynyń basshylary, jergilikti atqarýshy bılik, «Nur Otan» partııasy fılıalynyń, konsýltatıvtik-keńesshi organnyń, úkimettik emes uıymdardyń ókilderi, qala turǵyndary qatysty. Polısııa vedomstvosynyń basshysy Elbasy Joldaýynda atap kórsetilgen tapsyrmalardy iske asyrý barysy týraly jan-jaqty maǵlumat berdi. Front-ofıstar ashylyp,sıfrlyq tehnologııa engizilgen. Ishki tártiptik jaýapkershiliktinyǵaıtýdyń arqasynda qylmys 4,3 prosentke azaıǵan.
Vıdeo jáne fotoslaıdtarmen ushtasqan baıandamadan soń onlaın rejiminde qoıylǵan suraqtar turǵyn úılerdegi ýchaskelik polısııa ınspektorlarynyń jumysyn shıratý, úı-kúısiz júrgendermen, esirtki paıdalanatyndarmen kúres, saǵattap jalǵa beriletin páterlerdi tártipke keltirý, taǵy basqa máselelerdi qamtydy. Kelesi jyl «Esirtkisiz bolashaq» jyly dep jarııalanýy sıntetıkalyq esirtkini taratýshylarǵa qarsy ymyrasyz kúres jumysy jandanatyny atap kórsetildi. Yqshamaýdandarda beınebaqylaý júıesin keńeıtý jóninde ótinishter aıtyldy.
Kezdesý sońynda Berik Bilálov qoǵamdyq tártipti saqtaýǵa belsendi qatysqan azamattardy marapattady.
О́mir ESQALI,
«Egemen Qazaqstan»
Soltústik Qazaqstan oblysy
