«Maqalany aýdarýmen aınalysyp jatqandardyń bári – ózbek, túrik, qyrǵyz, ázerbaıjan, mońǵol, majar, koreı, japon elderiniń ókilderi ózderi bastamashy bolyp, ózderi aýdaryp otyr. Mundaı qubylys óte sırek. Sebebi bir eldiń azamaty ózge memlekettiń Prezıdentti bastamasyn oqyp, ony aýdaryp, nasıhattaýy jıi kezdespeıdi. Sondyqtan Elbasynyń bul maqalasyna Qazaqstanda ǵana emes, jalpy Túrki álemi, Uly daladan tamyr tartqan elder qyzyǵýshylyq tanytyp otyr», dedi D.Qydyráli.
Túrki akademııasy basshysynyń aıtýynsha, maqalaǵa Uly daladan tamyr tartqan elder ǵana emes, álemniń basqa memleketteri de qyzyǵýshylyq tanytyp otyr. Sondaı-aq maqalany tárjimalaý 9 tilmen shektelip qalmaq emes. Ony aýdary áli de jalǵasa beredi.
Jıyn barysynda D.Qydyráli Elbasy Nursultan Nazarbaevtyń «Uly dalanyń jeti qyry» maqalasynyń 9 tilge aýdarylyp basylǵan nusqasyn Nur Otan Talks alańyn uıymdastyrýshylarǵa syıǵa tartty.
