Tusaýkeser rásimi «Qazaqstan: bolashaqqa umtylǵan el» ǵylymı-tájirıbelik konferensııasy aıasynda Gýmboldt atyndaǵy Berlın Ýnıversıtetinde uıymdastyryldy (Berlın, Germanııa).
Is-sharaǵa QR GFR Tótenshe jáne О́kiletti elshisi Bolat Núsipov, Gýmboldt atyndaǵy Berlın Ýnıversıtetiniń vıse-prezıdenti, professor Peter Frensh, GFR Úkimetiniń Reseı, Ortalyq Azııa elderimen jáne «Shyǵys seriktestik» qoǵamaralyq yntymaqtastyq boıynsha ýákiletti Dırk Vıze, GFR SIM Shyǵys Eýropa, Ońtústik Kavkaz jáne Ortalyq Azııa elderi boıynsha ýákiletti Mıhael Zıbert, German Býndestagynyń «Germanııa – Ortalyq Azııa» parlamenttik tobynyń tóraǵasy, Býndestagtaǵy HDO/HÁO fraksııasy tóralqasynyń múshesi Manfred Grýnd, burynǵy memlekettik mınıstr Gernot Erler, GFR ekonomıka jáne tehnologııanyń burynǵy Federaldy mınıstri Mıhael Glos, Qazaqstan-German dostyq qoǵamynyń tóraǵasy, Býndestag depýtaty Karın Shtrens, Býndestag depýtattary Andre Hahn jáne Armın-Paýlıýs Hampel, «Schneider Group» kompanııalar tobynyń Bas dırektory jáne quryltaıshysy, Shyǵys komıteti eýrazııalyq tobynyń jetekshisi Ýlf Shnaıder, GFR mınıstrlikter men vedomstvolardyń ókilderi qatysty.
Tusaýkeser barysynda QR GFR Tótenshe jáne О́kiletti elshisi Bolat Núsipov «Prezıdenttiń «Táýelsizdik dáýiri» atty kitaby halyqaralyq tilderge aýdarylyp, Máskeý, Sankt-Peterbýrg, London jáne Baký qalalarynda tusaýy kesildi. Búgin Tuńǵysh Prezıdent Qorynyń arqasynda bizde Berlınde ótip jatyr.
Bul is-shara jeltoqsanda atap ótiletin Qazaqstannyń úlken merekeleri – Tuńǵysh Prezıdent jáne Táýelsizdik kúnderi qarsańynda ótkizilip otyr. Merekelerdiń bir-birine jaqyn turýy zańdylyq, sebebi olardyń arasynda tereń ajyramas baılanys bar», - dep atap ótti.
Qazaqstan Prezıdentiniń jańa kitaby ár oqyrmanǵa ózinshe túsinik beredi. Onyń biregeıligi – keń aýqymdy aýdıtorııaǵa arnalǵan.
«Táýelsizdik dáýiri» tórt bólimnen turady, ol táýelsiz Qazaqstannyń qalyptasýy barysyndaǵy tarıhı kezeńder týraly baıandaıdy. Onda Qazaqstan jańǵyrýynyń úsh tolqyny jáne tabystary sıpattalǵan. Oqıǵaǵa tikeleı qatysýshy retinde, Prezıdent Qazaqstannyń ótken kúrdeli joldary týraly óz kózqarasyn bildiredi.
Sonyń ishinde 2000-2010 jyldardaǵy kezeń aralyǵynda 1997 jyly Memleket basshysy qabyldaǵan «Qazaqstan - 2030» strategııasyn iske asyrý qadamdary qamtylǵan.
Kitaptyń sońǵy bólimi 2010 jyldardaǵy kezeń aralyǵyna arnalady. Ol kezde Qazaqstan jetken jetistikterimen shektelmeı, jańa ambısııalyq «Qazaqstan - 2050» strategııasyn oryndaýǵa kirisedi.
Memleket basshysynyń «Táýelsizdik dáýiri» kitaby qazaqstandyq oqyrmanǵa 2017 jylǵy jeltoqsanda jol tartty.
Aıta ketý kerek, Tuńǵysh Prezıdent Qorynyń qyzmeti adamı kapıtaldy damytýǵa arnalǵan jobalardy iske asyrýǵa, daryndy jastardyń bastamalary men shyǵarmashylyq potensıalyn qoldaýǵa baǵyttalǵan.
Bul turǵyda «Táýelsizdik dáýiri» kitabynyń strategııalyq joldaý retinde óskeleń urpaqqa arnalǵandyǵy asa mańyzdy.
Sondaı-aq, Elbasy eńbeginiń tusaýkeseri aıasynda Tuńǵysh Prezıdent Qory daıyndaǵan Astananyń 20 jyldyǵyna arnalǵan «Astana – Uly dalanyń jaýhary» atty fotokórmesi uıymdastyryldy. Onda Astananyń biregeı ǵımarattary beınelengen 40 sýret qoıyldy.
