«Kóshbasshy-2018» syılyǵy Jetisý jerindegi jas býynnyń arasynan úzdikterdi anyqtap, ár salada eńbek etip júrgen jas mamandardyń eńbegin baǵlaý maqsatynda uıymdastyrylyp keledi.
- Bıyl Elbasy Joldaýynda jastar máselesine erekshe mańyz berildi. Aldaǵy jyl «Jastar jyly» dep jarııalandy. Jastardy qoldaý, urpaqqa kóńil bólý – elimizdiń keleshegine jasalǵan qamqorlyq, kórsetilgen senim. Bul turǵydan alǵanda biz Elbasy júktegen mindetti tolyq júzege asyryp, jastarǵa múmkindik jasaýdy mindetimiz dep bilemiz. Qazir Almaty oblysynda 418 myńnan astam jas urpaq ókili bar. Olardyń deni aýyldyq óńirde turyp, eńbek etip, óz bolashaǵyn qalyptastyrýda. Jyl saıyn ótkiziletin «Kóshbasshy» baıqaýy osy aýdandarda turatyn 332 myń jasa mamannyń arasynan úzdikti anyqtap, bolashaǵyna sát-sapar tileýdi maqsat tutady. Jeńimpazdary quttyqtaı otyryp, jastarǵa Otanymyzdyń bolashaǵy jolynda aıanbaı eńbek etýdi, elimizdi gúldendirýge úles qosýdy tileımin, - dedi quttyqtaý sózinde aımaq basshysy Amandyq Batalov.
Bıylǵy baıqaýǵa aımaq jastarynan eki júze jýyq ótinim qabyldanyp, tańdaýdan ótken 19 jas júldeger atandy. Baıqaý jeńimpazdary oblys ákiminiń qolynan arnaıy statýetka men 250 myń teńge kóleminde aqshalaı syılyq aldy.
Qalmahanbet MUQAMETQALI,
«Egemen Qazaqstan»
Almaty oblysy
