«1 jeltoqsan – Tuńǵysh Prezıdent kúni» merekesine arnaıy túsirilgen «Tuńǵysh Prezıdenttiń ómir joly» beınerolıgi departament qyzmetkerleriniń nazaryna usynyldy.
Shara saltanatty ánuran yrǵaǵymen ashylyp, Qazaqstan Respýblıkasynyń Ishki ister mınıstri polısııa general- polkovnıgi Qasymov Qalmuhanbet Nurmuhanbetulynyń quttyqtaý haty oqyldy.
Qyzylorda oblysy Polısııa departamentiniń bastyǵy polısııa polkovnıgi Qaırat Muhıtov sóz alyp, jınalǵandardy, jeke quramdy aıtýly merekemen quttyqtady.
Merekelik shara barysynda qoǵamdyq tártipti qamtamasyz etip, halyqtyń quqyǵy men bostandyǵynyń qorǵalýy jolynda erekshe kózge túsip, úzdik nátıjelerge qol jetkizgeni úshin barlyǵy 136 polısııa qyzmetkerleri, ardagerler marapattaldy.
Onyń ishinde, merziminen buryn «polısııa podpolkovnıgi» ataǵy Tergeý basqarmasy bastyǵynyń orynbasary polısııa maıory Saken Syzdyqqa berilse, 7-i qyzmetker II-dárejeli «Ishki ister organdarynyń úzdigi» tós belgisimen marapattaldy. Aıta keterlik jaıt, marapattalǵandardyń qatarynda quqyq buzýshylyqtarmen kúresip, quqyqtyq tártiptiń qamtamasyz etilýi jolynda aıanbaı eńbek etip júrgen tómengi qurylym qyzmetkerleri, aýdandyq Polısııa bólimderi, Qalalyq Polısııa basqarmasynyń qyzmetkerleri de bar.
Budan ári shara konserttik baǵdarlamaǵa ulasty, patrıottyq ánder aıtylyp, merekelik bıler usynyldy.
