Aqtaý qalalyq ákimdiginiń qoldaýymen «Kaspıı» ÁKK» AQ men «Velociti.kz» Qoǵamdyq qory birlesip uıymdastyrǵan velojarysqa Aqtaý qalasynyń turǵyndary men qonaqtary, oblystyq otbasylyq úlgidegi balalar aýyly tárbıelenýshileri men Sh.Esenov atyndaǵy KMTjIÝ stýdentteri, iri kompanııalar ókilderi qatysty.
Teńiz jaǵalap jarysqa túskender 2,5 shaqyrym qashyqtyqty baǵyndyrdy. Árbir adamnyń óz densaýlyǵyna jaýapkershilikpen qarap, ony nyǵaıtýǵa umtylýyn, salaýatty ómir saltyn dástúrge aınaldyrýdy maqsat etken saıystyń jeńimpazdary «Aqtaybike» velosıpedimen saıysqa túskender jáne jeke velosıpedimen saıysqa túskender atty eki nomınasııa boıynsha anyqtalyp, «Kaspıı» ÁKK» AQ-nyń estelik syılyqtarymen marapattaldy.
– Saıysty uıymdastyrýshylarǵa alǵys aıtamyn, saıys joǵary deńgeıde jáne qyzyqty ótti. Turǵyndardyń densaýlyǵyn nyǵaıtyp, jigerin shyńdaı túsý úshin sporttyq saıystar óte qajet, ásirese bizdiń ólkemizde mundaı saıystardy jyl boıy ótkizýge bolady, deıdi «Aqtaybike» velosıpedimen saıysqa túskender arasynan jeńimpaz atanǵan A.Qısaeva.
Qala turǵyndary men qonaqtaryna qala boıynsha qoǵamdyq kóliktermen avtomobılderge balama kólik retinde velosıpedterdi usynatyn «Aqtaybike» áleýemttik jobasy 2018 jyly bastaldy. О́z qyzyqty bastamalarymen qýantqan joba endigi kezekte qyzyqty selfı, ózge de jobalaryn bastaýdy josparlap otyr.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
