Jıynda kóktemgi sý tasqyny kezeńine daıyndyq barysyn baıandaǵan oblystyq TJD basshysynyń mindetin atqarýshy Nazaráli Selimov búginge deıin 1 mlrd teńgege 50 arnaıy tehnıka satyp alynǵanyn, sondaı-aq 32 qorǵanys bógeti turǵyzylyp, avkólik joldarynyń boıynda 38 sý ótkizý qubyry ornatylǵanyn aıtty. Sonymen qatar Qundyzdy, Obaǵan ózenderiniń arnasy tereńdetilip, 9 gıdrotehnıkalyq nysan jóndelgen. Qys boıy eldi mekenderdiń aýmaǵynan 1,3 mln tekshe metrden astam qar shyǵarylǵan.
Prezıdent sý tasqyny men qurǵaqshylyq qaýpine aldyn ala daıyndalýdy tapsyrdy
Oblys ákimi Qumar Aqsaqalov tıisti organdarǵa aldaǵy kóktemde keıbir aýdandarda ortasha deńgeıdegi sý tasqyny bolýy múmkin eskertip, daıyndyq jumystaryn shırata túsýdi tapsyrdy.
«Bıyl biz kúrdeli jaǵdaıǵa daıyn bolýymyz qajet. Aldaǵy sý tasqynynyń deńgeıi ortasha dep baǵalanǵanymen, bosańsymaý kerek. Kóktem mezgili – árqashan joǵary qaýip kezeńi. Osyǵan baılanysty oblystyń búkil aýmaǵynda jaýyn-shashyn mólsheri men qardyń qalyńdyǵyna qatysty turaqty monıtorıng pen aqparat jınaý jumystary júrgizilýi qajet», dedi oblys ákimi.
Aımaq basshysy qolda bar arnaıy tehnıkalardy sý basý qaýpi bar eldi mekenderdiń mańaıyna shoǵyrlandyrýdy tapsyrdy.
«Kez kelgen qaýipti jaǵdaıǵa daıyn bolýymyz kerek. Tobyl-Torǵaı basseındik ınspeksııasy, «Qazgıdromet», «Qazsýsharýashylyǵy» fılıaldary 1 naýryzdan bastap kún saıyn monıtorıng júrgizip otyrsyn. Reseıdiń kórshiles óńirlerimen aqparat almasýdy jandandyrý qajet. Arqalyq qalasy men Amangeldi, Jangeldın aýdandary Ulytaý oblysynyń kórshiles aýdandarymen ózara is-qımyldy shıratsyn. Veterınarııa basqarmasy 20 aqpannan bastap aýyl sharýashylyǵy qurylymdary men Torǵaı óńirindegi qystaqtardy aralap shyqsyn», dedi ákim.
Qostanaı oblysy
