Qarlyǵashtar

Qustar kelip, meken jaıǵa qonysyp,

Jyl boıyna kórmegender kórisip,

Bularda da jesir menen uıa daý,

Shýlap jatyr butaqtardy bólisip.

Qustar kelip, meken jaıǵa qonysyp,

Jyl boıyna kórmegender kórisip,

Bularda da jesir menen uıa daý,

Shýlap jatyr butaqtardy bólisip.

Adamdarǵa uqtyrsam dep is mánin,

Til ornyna ıshara etken tuspalyn.

Táńirim ózi on segiz myń ǵalamnyń,

Jaqyndaý ǵyp jaratqan keı tustaryn.

Qarlyǵashtar jetelegen kóktemdi,

Kóp boldy ǵoı kórinbeısiń kóp boldy.

Sekem alyp kettiń be álde bizderden,

Meken taýyp adamdary joq jerdi.

Qanatyńa ilestirip jyly aǵyn,

Keltirýshi eń syrly áýenniń qulaǵyn.

Qarlyǵashtar, qarlyǵashtar kelseńshi,

Janǵa jaqyn senisetin syńarym.

Qardy silkip, jaısa kóktem kilemin,

Sol kilemniń kóp qaraımyn túr-óńin.

Myna óńirdiń qaıda ketken órnegi,

Qulpyratyn qaıda ketken gúli onyń.

Otbasy men eldiń, jerdiń tileýin,

Tilep júrem bar dúnıeniń túgelin.

Qarlyǵashtar nege kelmeı qalǵan dep,

Tynshı almaı atqaqtaıdy júregim.

Qarlyǵashym, qanatty da tekti ediń,

Sol ketkennen mol ketkeniń ne etkeniń,

Balapandy osy jaqqa túletip,

Nege bizge baýyrbasty etpediń.

Tabıǵattyń zańy sol ma retteıtin,

Áli jetken álsizderdi shetteıtin.

Álde seni jiberdi me bezdirip

Ala qanat buzyq torǵaı et jeıtin.

Ýa, tabıǵat, tirshiligim, tunyǵym,

О́mir menen jaryq dúnıe bir uǵym.

Meniń daǵy bir tal shashym aǵarar

Kóktemese seniń de bir shybyǵyń.

Dýlat TURANTEGI.

Ońtústik Qazaqstan oblysy.