Oıyn qańtardyń 2-nen 3-ne qaraǵan túni Vankýverdegi «Rodjers Arenada» ótti. Eki qurama arasyndaǵy alǵashqy kezedsýde jerlesterimiz 4:3 esebimen basym tústi.
Matchta esepti birinshi bolyp matchtyń ekinshi mınýtynda qazaqstandyq hokkeıshi Oleg Boıko ashty. Degenmen 9-mınýtta danııalyqtar esepti teńestirýge múmkindik aldy. Biraq úziliske deıin Ernar Musabaev quramamyzdyń ekinshi golyn salyp, esepti 2:1 jetkizdi. Ekinshi kezeńde Saıan Danııar Qazaqstan quramasynyń úshinshi shaıbasyn soqty. Al oıynnyń sońǵy kezeńinde Danııa hokkeıshileri belsendi oınap, eki ret mergendigimen kózge tústi. Andreas Grýndtvıg pen Mate Selkovanyń eki golyna otandasymyz Artýra Gatııatova bir shaıbamen jaýap berdi. Qorytyndy esep - 4:3.
Jubanysh matchy eki komandanyń bireýi eki ret jeńiske jetkenge deıin oınalady. Qazaqstan men Danııa arasyndaǵy ekinshi oıyn 4 qańtar kúni saǵat 23:00-de ótedi. Úshinshi matchtyń ýaqyty – 5 qańtar, 23:00.
Buǵan deıin jastar quramamyz Shvesııa (1:4), Slovakııa (2:11), AQSh (2:8) jáne Fınlıandııa (0:5) elderimen bolǵan matchtarda jeńilgen bolatyn. Atalǵan 4 oıynda jerlesterimiz 5 shaıba soǵyp, óz qaqpalaryna 28 shaıba jiberip aldy.
