Jańa pán Qazaqstan Respýblıkasy Prezıdentiniń janyndaǵy Rýhanı jańǵyrý baǵdarlamasyn iske asyrý jónindegi Ulttyq komıssııa otyrysynyń hattamalyq tapsyrmasyna sáıkes paıda boldy. Ol «Qazaqstan tarıhy», «Qazaq tili men ádebıeti», «Geografııa» jáne «Mýzyka» pánderiniń aıasynda kiriktirilip oqytylady. «Oqý júktemesiniń jalpy kólemi – 20 saǵat, ıaǵnı 5-synypta – 5 saǵat, 6-synypta – 7 saǵat, 7-synypta – 8 saǵat bolmaq, - deıdi Sholpan Qadyrova.
Bul kýrsty engizý úshin Qazaqstan Respýblıkasy Bilim jáne ǵylym mınıstrliginiń Y.Altynsarın atyndaǵy Ulttyq bilim akademııasy oqý baǵdarlamasyn jasaqtaǵan. Osy baǵdarlamaǵa sáıkes ár óńirdiń kýrs boıynsha oqýlyǵy daıyndaldy. Oqýlyq týǵan ólkeniń tabıǵaty men tabıǵı ereksheligin, ólke tarıhy men halyqtyń damý tarıhyn, etnografııalyq ulttyq erekshelikteri men demografııasyn, toponımıkasyn, ónerin, mədenıetin t.b. qamtıdy. Oqýlyqty qurastyrýǵa Oral qalasyndaǵy joǵary oqý oryndary ǵalymdary, tájirıbeli pedagogter, ádiskerler, barlyǵy 17 qyzmetker tartyldy. Sonymen qatar, 11 qyzmetkerden quralǵan sarapshy top qurylyp, oqýlyqtyń mazmunyna saraptama jasaldy.
Sholpan Maratqyzynyń aıtýynsha, Batys Qazaqstan oblysy ákiminiń orynbasary Ǵ.Ospanqulovtyń qatysýymen avtorlar jáne sarapshylar tobynyń jumysy barysynda birneshe otyrys ótkizilip, barlyq materıaldar redaksııalanǵan. Sondaı-aq oqýlyq materıaldary bilim basqarmasynyń resmı saıtynda jarııalanyp, kópshiliktiń talqylaýyna salynǵan.
24 myń danamen basylyp shyqqan jańa oqýlyqta Qazaqstannyń Jalpyulttyq qasıetti nysandary tizimine kirgen tarıhı eskertkishter, bıler, batyrlar, palýandar, ǵylym, óner, mádenıet salasyndaǵy ólkeniń tanymal tulǵalary týraly, toponımder, týrıstik marshrýttar týraly jan-jaqty málimet berilgen.
Qazbek QUTTYMURATULY,
«Egemen Qazaqstan»
Batys Qazaqstan
